लंडन:युरो कप फायनलमध्ये इटलीने पेनल्टी शूटआउटमध्ये इंग्लंडवर थरारक असा विजय मिळवाल. या सामन्यात पहिल्या हाफमध्ये इंग्लंडने १-० अशी आघाडी घेतली होती. पण दुसऱ्या सत्रात इटलीने गोल करून बरोबरी केली. इटलीला ही बरोबरी करून दिली ती लियोनार्डो बलूनी होय.

लियोनार्डोने या गोलसह युरो कपच्या फायनलमध्ये एक इतिहास घडवला. युरो कपमध्ये गोल करणारा तो सर्वात वयस्कर खेळाडू ठरला आहे. लंडनच्या वेम्बले स्टेडियमवर झालेल्या फायनल सामन्यात ६७व्या मिनिटाला लियोनार्डोने गोल केला आणि इटलीला १-१ अशी बरोबरी मिळवून दिली. त्याने ३४ वर्ष आणि ७१ दिवस असताना हा गोल गेला. युरो कपच्या इतिहासात हो सर्वात वयस्कर खेळाडू ठरलाय.

वाचा : पेनेल्टी शूटआऊटमध्ये इटलीचा थरारक विजय, युरो चषक पटकावला

याच बरोबर लियोनार्डोने इटलीसाठी युरो कपमध्ये सर्वाधिक सामने खेळण्याचा विक्रम देखील स्वत:च्या नावावर केला.

सामन्यात इंग्लंडने धमाकेदार सुरुवात केली होती. ल्यूक शॉने १ मिनिट आणि ५७व्या सेकंदाला गोल करून इटलीला धक्का दिला. त्यानंतर पहिल्या हाफमध्ये गोल झाला नाही. दुसऱ्या हाफमध्ये इटलीने बरोबरी केली. त्यानंतर अतिरिक्त वेळेत दोन्ही संघांना गोल करता आला नाही. त्यामुळे विजेते पेनल्टी शूटआउटने ठरवण्यात आला.

इंग्लंडने १९६६ मध्ये म्हणजे ५५ वर्षांपूर्वी एखाद्या मोठ्या स्पर्धेचे विजेतेपद मिळवले होते. तेव्हा त्यांनी वर्ल्डकप जिंकला होता.