मुंबई: ग्रामीण भागांमध्ये महत्वाचे काम करणाऱ्या अंगणवाडी सेविका आणि पर्यवेक्षिका देखील आता आधुनिक तंत्रज्ञानावर स्वार होऊन आपल्या कामाला गती देणार आहेत. करोनाच्या काळात स्तनदामाता तसेच गरोदर स्त्रियांना द्यावयाच्या मदतीत खंड पडू नये यासाठी राज्याच्या महिला व बालविकास मंत्रालयाने राज्यातील अंगणवाडी सेविका आणि पर्यवेक्षिकांना सोशल मीडियाचे प्रशिक्षण देण्यात आले आहे. करोनाच्या काळात सोशल मीडियाच्या माध्यमातून स्तनदामाता आणि गरोदर स्त्रियांशी संपर्क साधणे या प्रशिक्षणामुळे शक्य होणार आहे. (anganwadi workers in maharashtra will give service through facebook whatsapp voice call video call)

राज्याचे महिला व बालविकास मंत्रालय, राज्य शासन आणि राजमाता जिजाऊ मिशन यांनी संयुक्तपणे राज्यातील अंगणवाडी सेविका आणि पर्यवेक्षिकांना तीन दिवसांचे सोशल मीडिया प्रशिक्षण दिले. हे प्रशिक्षण झूम कॉलद्वारे देण्यात आले.

या प्रशिक्षणादरम्यान व्हॉटसअॅप आणि फेसबुक या डिजीटल माध्यमांशी ओळख करुन देण्यात आली. दोन्ही माध्यमांचा दैनंदिन व्यवहारात वापर कसा कारावा हा कार्यशाळेचा मुख्य उद्देश होता. करोना काळात आंगणवाडी सेविकांना व पर्यवेक्षिकांना गृहभेट देता येत नाही. त्यामुळे स्तनदामाता व गरोदरमाता यांना त्यांची वेळोवेळी मदत मिळावी म्हणून वॉटसप खाते तयार करण्यापासून ते माहिती शेअर करणे, वॉटसअॅप ग्रुप , ब्रॉडकास्ट ग्रुप तयार करणे, सदस्यांना ॲड करणे, व्हॉइस कॉल, वीडियो कॉल द्वारे संवाद साधणे याचे प्रशिक्षण देण्यात आले. याद्वारे अंगणवाडी सेविका आणि पर्यवेक्षिकांना स्तनदा माता व गरोदर स्त्रिया यांच्यासोबत संवाद साधता येणार आहे.

क्लिक करा आणि वाचा- मूक आंदोलन मागे घेतलेले नाही; पुढील दिशा २१ जूनला ठरणार; संभाजीराजेंची भूमिका

ग्रामीण भागात तरुणांमध्ये फेसबुकचा वापर वाढला असताना आंगणवाडी सेविकांनीही फेसबुकसारख्या व्यासपीठाचा लाभ घ्यावा आणि अनेकांसोबत या माध्यमाद्वारे कन्नेक्ट व्हावे यासाठी फेसबुकचे खाते तयार करणे, माहिती मिळवणे, पोस्ट लाईक, कमेंट, शेअर करणे, नातेवाईकांसोबत, पर्यवेक्षिकांसोबत, स्तनदामाता, गरोदरमाता यांच्यासोबत जोडण्यासाठी फ्रेंड रिक्वेस्ट पाठवणे, स्वीकारणे, अधिकृत पेज लाईक करणे, अनेकांनी पोस्ट कालेल्या मीहिती शेअर कारणे, आपली स्वताःची पोस्ट तयार करणे, मत व्यक्त करणे, राबवलेले उपक्रमांचे छायाचित्र पोस्ट करणे या फीचर्स बरोबरच फेसबुकचे फायदे, तोटे या सगळ्या बाबींचा कार्यशाळेमध्ये प्रशिक्षणादर्म्याण समावेश करण्यात आला होता.

क्लिक करा आणि वाचा- ‘तुम्हाला भंडाऱ्यात बसण्याची व्यवस्था करू’; दरेकरांचा राऊत यांना टोला

तीन दिवस चाललेल्या या सोशल मिडीया ट्रेनिंगची कार्यशाळा झुम कॉलद्वारे महिला व बालविकास मंत्री ॲड. यशोमती ठाकुर यांच्या मार्गदर्शनाखाली तसेच इंद्रा मालो, आय.ए.एस अधिकारी, आयसीडीएस (एकात्मिक बालविकास सेवा) यांच्या सहयोगाने हे प्रशिक्षण आयोजित करण्यात आले होते. या कार्यशाळेमध्ये सीडीपीओ, डीपीओ,पर्यवेक्षिका आणि अंगणवाडी सेविका आणि मदतनीस हे सर्व उपस्थित होते.

क्लिक करा आणि वाचा- ‘शिवसेनेला संपवल्याशिवाय राहणार नाही’; चंद्रशेखर बावनकुळे यांचे वक्तव्य