मुंबई: बॉलिवूड अभिनेता अक्षय कुमारनं त्याच्या बॉलिवूड कारकिर्दिच्या सुरुवातीला एकापेक्षा एक असे अॅक्शन चित्रपट दिले आहेत. त्याच्या सुपरहिट अॅक्शन चित्रपटांपैकी एक चित्रपट म्हणजेच ‘खिलाड़ियों का खिलाड़ी‘. मागच्याच आठवड्यात हा चित्रपट रिलीज होऊन २५ वर्ष पूर्ण झाली. या चित्रपट अक्षय कुमार, रविना टंडन आणि रेखा यांच्या मुख्य भूमिका होत्या. पण या सगळ्यातही प्रेक्षकांसाठी महत्त्वाचं आकर्षण ठरलं ते म्हणजे प्रसिद्ध WWE रेसलर ‘द अंडरटेकर‘ सोबतचे फाइटिंग सीन.

रेखाने १३ वर्ष लहान अक्षय कुमारसोबत दिला होता इंटिमेट सीन, ‘या’ अभिनेत्रीला खटकत होती त्यांची जवळीक
मागच्या आठवड्यात अभिनेता अक्षय कुमारनं ‘खिलाड़ियों का खिलाड़ी’ चित्रपटाला २५ वर्ष पूर्ण झाल्याच्या निमित्तानं इन्स्टाग्रामवर एक पोस्ट लिहिताना या चित्रपटात त्याची द अंडरटेकर सोबत खरीखुरी फाइट झाली नव्हती हे स्पष्ट केलं. या चित्रपटातील ती फाइटची दृश्य बायन लीसोबत चित्रित करण्यात आली होती. बायननं या चित्रपटात अंडरटेकरची भूमिका साकारली होती. पण अक्षयच्या या पोस्टनंतर खऱ्या अंडरटेकरनं त्याला खऱ्या फाइटसाठी चॅलेंज केलं. त्यानं अक्षयच्या पोस्टवर कमेंट करताना लिहिलं, ‘जेव्हा खऱ्या मॅचसाठी तू तयार असशील तेव्हा मला सांग.’

द अंडरटेकरनं अक्षयच्या इन्स्टाग्राम पोस्टवर केलेल्या कमेंटला अक्षय कुमारनं उत्तर दिलं आहे. त्यानं अंडरटेकर मजेदार अंदाजात उत्तर दिलं आहे. त्यानं लिहिलं, ‘भाऊ पहिलं मी माझा विमा तपासून घेतो आणि मग तुला सांगतो.’ अक्षयचं हे उत्तर पाहिल्यावर त्याच्या चाहत्यांनाही हसू अनावर झालं आहे.

अक्षय कुमारच्या कामाबद्दल बोलायचं तर तो शेवटचा ‘लक्ष्मी बॉम्ब’ या चित्रपटात दिसला होता. त्यानंतर आता त्याचे बरेच चित्रपट रिलीजसाठी तयार आहेत मात्र करोना व्हायरस आणि लॉकडाऊन कडक नियमांमुळे या चित्रपटाचं प्रदर्शन पुढे ढकलण्यात आलं आहे. अक्षयचे सुर्यवंशी आणि बेल बॉटम हे दोन चित्रपट प्रदर्शनासाठी तयार आहेत. तसेच त्याचे अतरंगी रे आणि बच्चन पांडे हे चित्रपटही लवकरच रिलीज झाली तयार होणार आहेत. याशिवाय सध्या तो ‘पृथ्वीराज’, ‘रक्षा बंधन’ आणि ‘राम सेतु’ या चित्रपटांवर काम करत आहे.