मुंबई– बॉलिवूड अभिनेते अनिल कपूर यांनी त्यांच्या कारकिर्दीत कित्येक हिट चित्रपटात काम केलं. त्यांची लोकप्रियता प्रचंड आहे. आपल्या वडिलांच्या पावलावर पाऊल ठेवत हर्षवर्धन कपूर देखील बॉलिवूडमध्ये करिअर करण्यावर लक्ष केंद्रित करताना दिसतोय. परंतु, अजूनही हर्षवर्धनला त्याच्या वडिलांप्रमाणे लोकप्रियता मिळालेली नाही. याचं कारण खुद्द अनिल कपूर यांची लोकप्रियता असल्याचा खुलासा हर्षवर्धनने केला आहे. अनिल यांचा मुलगा असल्याने अनेकांना हर्षवर्धनचा राग येत असल्याची माहिती त्याने एका मुलाखतीत दिली.

‘मी दिलीप कुमार यांची आजन्म ऋणी आहे, कारण…’; शगुफ्ता अली यांनी जागवल्या आठवणी

नुकत्याच प्रदर्शित झालेल्या ‘रे’ या वेबसीरिजमध्ये हर्षवर्धन महत्वाच्या भूमिकेत आहे. वेबसीरिजमधील हर्षवर्धनच्या भूमिकेचं प्रेक्षकांकडून कौतुक होतं आहे. परंतु, व्यावसायिक चित्रपटांपासून दूर असूनही काही लोक त्याचा रागराग करतात, असं हर्षवर्धनचं म्हणणं आहे. एका रेडिओ चॅनेलला दिलेल्या मुलाखतीत हर्षवर्धन म्हणाला, ‘मी वेगळा आणि एकाच पद्धतीचे चित्रपट न करण्याचा मार्ग निवडला. या चित्रपटाबद्दल प्रेक्षकांना फारसं माहित नसतं किंवा मीडिया त्याकडे फारसं लक्ष देत नाही. मी माझ्या पद्धतीने काम करतोय. खूप लोक माझं काम बघतात आणि त्यांना कळतं मला कोणत्या पद्धतीचं काम करायला आवडतं.’

अनिल यांचा मुलगा असण्याबद्दल हर्षवर्धन म्हणाला, ‘लोकांना मी न आवडण्याचं कारण काही वेगळंच आहे. मी कितीही चांगलं काम केलं, कितीही चांगले चित्रपट केले, जीवनात खूप काही मिळवलं तरीही काही लोकांना मी आवडत नाही कारण मी अनिल कपूर यांचा मुलगा आहे. त्यामुळे ते माझा रागराग करतात. मी एक शांत मुलगा आहे. मी रोज जीमचे कपडे घालून कॅमेरासमोर पोज नाही देऊ शकत. मला ते जमणार नाही. मला माझी वैयक्तिक शांतता आवडते. मी चित्रपट करेन त्याबद्दल बोलेन आणि गुपचूप घरी निघून जाईन. ‘

सुनील बर्वेंच्या लेकीच्या लग्नातील व्हिडीओ पाहून व्हाल भावुक