नवी दिल्ली:  दिल्ली उच्च न्यायालयाने केंद्र सरकारच्या याचिकेवर सुनावणी केली, ज्यामध्ये तुरूंग प्रशासनाने खालच्या कोर्टाच्या निर्णयाला आव्हान दिले आहे. यामध्ये तिहारच्या जेल अधिकारी व निर्भयाच्या दोषींना नोटीस बजावण्यात आली आहे. आता या प्रकरणाची सुनावणी रविवारी 2 फेब्रुवारी रोजी दुपारी 3 वाजता होईल.

सुनावणीदरम्यान सॉलिसिटर जनरल तुषार मेहता म्हणाले की, प्रक्रिया अशीच राहिल्यास हे प्रकरण कधीच संपणार नाही. दोषींना स्वतंत्रपणे फाशी देण्याची मागणीही मेहता यांनी केली आहे. वास्तविक, निर्भया दोषींना फाशी देण्यास दिल्लीच्या पटियाला हाऊस कोर्टाने बंदी घातली होती, त्यानंतर तुरूंग अधिकाऱ्यांनी कोर्टाचे दार ठोठावले आहे.

1 फेब्रुवारी रोजी निर्भयाच्या आरोपींना फाशी देण्यात येणार होती, परंतु दया याचिका दाखल झाल्यानंतर कोर्टाने त्यांच्या अंमलबजावणीवर स्थगिती दिली आहे. निर्भया, मुकेश, पवन, अक्षय आणि विनय या चार दोषींना कोर्टाने फाशीची शिक्षा सुनावली आहे. मात्र कोर्टाने या आरोपींच्या फाशीला अनिश्चित काळासाठी स्थगित केले आहे.