मुंबई– चाहते जेव्हा कोणत्याही खेळाचा सामना बघायला जातात तेव्हा ते तिथल्या आपल्या लाडक्या खेळाडू किंवा टीमसोबत घालवलेल्या अविस्मरणीय क्षणांच्या आठवणी सोबत घेऊन येतात. कधी कधी प्रेक्षकांना खेळाच्या मैदानावर असं काही पाहायला मिळतं जे सगळ्याचं लक्ष खेचून घेतं आणि कौतुक करण्यास पात्र असतं. असंच काहीसं घडलं मागील आठवड्यात सॅन डिएगो पैड्रेस आणि शिकागो कब्स यांच्यात खेळल्या गेलेल्या बेसबॉल सामन्यादरम्यान. या सामन्यात एका महिलेने एका हाताने चेंडू झेलून सगळ्यांना आश्चर्यचकित केलं होतं. महत्वाचं म्हणजे तिच्या दुसऱ्या हातात तिचं बाळ होतं. त्या महिलेचा व्हिडीओ पाहून बॉलिवूड अभिनेत्री अनुष्का शर्मा देखील तिची चाहती झाली आहे.

‘मला माफ कर…’ एक्स वाइफ रिनाचं पत्र वाचून आमिर रडला

महिलेने स्टॅण्डमध्ये आलेला चेंडू एका हाताने झेलला होता. त्यावेळेस तिच्या दुसऱ्या हातात बाळ होतं. एका हाताने चेंडू झेलणाऱ्या या महिलेचा व्हिडीओ सोशल मीडियावर प्रचंड वायरल झाला होता. या व्हिडिओला कॅप्शन देण्यात आलं होतं, ‘आई एका मुलाला पकडून काहीही करू शकते, एक फाऊल बॉलदेखील पकडू शकते.’ हा चेंडू पकडणं मुळीच सोपं नव्हतं त्यामुळे अनेकांनी त्या महिलेचं कौतुक केलं. आता अनुष्काने देखील तो व्हिडीओ आपल्या इन्स्टाग्राम स्टोरीवर शेअर केला आहे आणि त्याला हटके कॅप्शन दिलं आहे. अनुष्काने पोस्ट शेअर करत लिहिलं, ‘असं काहीच नाहीये जे आम्ही करू शकत नाही.’

अनुष्काने या पोस्टमध्ये त्या महिलेचं भरभरून कौतुक केलं आहे. अनुष्काच्या स्टोरीवरून ती देखील त्यामहिलेची चाहती झाली असल्याचं दिसतंय. अनुष्काने नुकताच एका मुलीला जन्म दिला आहे. त्यामुळे अशी अविश्वसनीय कामगिरी करणाऱ्या आईला पाहून अनुष्काचा हुरूप आणखीनच वाढला आहे. अनुष्का सध्या विराट आणि वामिकासोबत इंग्लंडमध्ये आहे. अनुष्का शेवटची ‘झिरो’ चित्रपटात दिसली होती.

नवा ट्रेंड जोमात; पुस्तकातल्या कथा ओटीटीच्या पडद्यावर