मुंबई : छोट्या पडद्यावरील बिग बॉस हा सर्वाधिक लोकप्रिय कार्यक्रम आहे. त्यामुळेच या कार्यक्रमाचे १५ वे पर्व लवकरच सुरू होणार आहे. या नवीन पर्वात कोण कोण कलाकार स्पर्धक म्हणून सहभागी होणार आहेत, याची उत्सुकता सर्व प्रेक्षकांना आहे. या पर्वाचे आणखी एक वैशिष्ट्य म्हणजे त्यामध्ये कलाकारांबरोबरच सर्वसामान्य नागरिकांनाही सहभागी करून घेतले जाणार आहे. आता कार्यक्रमात स्पर्धक म्हणून सहभागी होण्यासाठी निर्मात्यांनी आता अंकिता लोखंडे आणि रिया चक्रवर्ती यांना संपर्क साधला आहे.

सुत्रांनी दिलेल्या माहितीनुसार, बिग बॉसचे निर्मात्यांनी या कार्यक्रमाची तयारी सुरू केली आहे. या कार्यक्रमात स्पर्धक म्हणून सहभागी होण्यासाठी रिया चक्रवर्तीला निर्मात्यांनी संपर्क साधला आहे. रियाने जर कार्यक्रमात सहभागी होण्यास होकार दिला तर निर्माते अंकिता लोखंडे हिला देखील कार्यक्रमात सहभागी होण्यासाठी संपर्क साधू शकतात.

अंकिता लोखंडे- रिया चक्रवर्ती नाही तर ‘या’ खास व्यक्तीवर होतं सुशांतचं ‘खरं प्रेम’

अर्थात या दोघींशी संपर्क साधला असल्याच्या वृत्ताबाबत निर्मात्यांनी काहीही उत्तर दिलेले नाही. अंकिता आणि रिया या दोघीजणी सुशांत सिंह राजपूतच्या प्रेयसी होत्या. जर या दोघीजणी बिग बॉसमध्ये स्पर्धक म्हणून येण्यासाठी तयार झाल्या तर बिग बॉसच्या घरात पुन्हा एकदा सुशांतसिंहचा विषय चर्चिला जाईल.या दोघींना बिग बॉसच्या निर्मात्यांनी संपर्क साधला असल्याच्या बातम्या आल्यांतर सोशल मीडियावर जोरदार चर्चा सुरू झाली आहे. चाहत्यांनी यावरून त्यांची मते मांडायला सुरुवात केली आहे.
‘अर्चनाचा मानव फक्त तोच असू शकतो, त्याच्याशिवाय सर्व गोष्टी अपुऱ्या आहेत’, भावुक झाली अंकिता लोखंडे
दरम्यान, बिग बॉसच्या कार्यक्रमात स्पर्धक म्हणून सहभागी होण्यासाठी वरुण सूद, नेहा मर्दा, भूमिका चावला, पार्थ समथान, रिया चक्रवर्ती, सुरभी चंदना, दिशा वकानी, कृष्णा अभिषेक सहभागी होऊ शकतात अशी चर्चा सोशल मीडियावर होत आहे. अर्थात या नावांबद्दल निर्मात्यांनी कोणताही दुजोरा दिलेला नाही. या कार्यक्रमाचा प्रिमिअर ऑक्टोबर २०२१ मध्ये होण्याची दाट शक्यता आहे. लवकरच याबाबतची अधिकृत घोषणा केली जाईल, अशी माहिती सुत्रांनी दिली आहे.
‘दया बेन कधी परतणार? निर्माते असीत मोदींनी दिलेलं उत्तर ऐकूण चाहतेही झाले हैराण