मुंबई: बॉलिवूडचा मिस्टर परफेक्शनिस्ट आमिर खानची लेक आयरा खान प्रसिद्ध स्टारकिड्सपैकी एक आहे. सिल्व्हर स्क्रीनपासून दूर असलेली आयरा खान तिच्या पर्सनल लाइफमुळे मात्र कमालीची चर्चेत असते. अनेकदा तिचे फोटो सोशल मीडियावर व्हायरल होताना दिसतात. आताही तिचा असाच एक फोटो सोशल मीडियावर व्हायरल होत आहे. ज्यामुळे तिला जोरदार ट्रोलही केलं जात आहे.

आयरा खान सध्या बॉयफ्रेंड नुपूर शिखरेसोबत हिमाचल प्रदेशमध्ये व्हेकेशन एन्जॉय करत आहे. या ठिकाणचा एक फोटो शेअर करताना आयरानं तिच्या चाहत्यांना गुड मॉर्निंग विश केलं होतं. पण या फोटोमुळे तिला सोशल मीडियावर जोरदार ट्रोल व्हावं लागलं आहे. तिचा हा फोटो सोशल मीडियावर खूप चर्चेत आहे.

इन्स्टाग्रामवर शेअर केलेल्या या फोटोमध्ये आयरा खान तिच्या डॉगीसोबत एका बेंचवर बसलेली दिसत आहे. या फोटोमध्ये आयरानं ब्लॅक टी-शर्ट, ब्लू शॉर्ट्स आणि डेनिम जॅकेट घातलेलं दिसत आहे. सनग्लासेस आणि मोकळे केस यात आयरा खूपच सुंदर दिसत आहे. पण या फोटोतील तिच्या लुकपेक्षा तिच्या बाजूला असलेल्या बॉक्सनं सर्वांचं लक्ष वेधून घेतलं आहे. जे सिगारेटचं पाकीट असल्याचं बोललं जात आहे आणि यावरूनच नेटकऱ्यांनी तिला ट्रोल करायला सुरुवात केली आहे.

आयराच्या फोटोवर कमेंट करताना अनेक युझरनं तिच्या बाजूला असलेला बॉक्सचा उल्लेख करत ती सिगारेट ओढते का असं प्रश्न विचारला आहे. एक युझरनं कमेंट करताना लिहिलं, ‘तू कोणत्या ब्रँडची सिगारेट ओढतेस’ तर दुसऱ्या युझरनं लिहिलं, ‘सिगारेट आणि लायटरही फोकसमध्ये आलं आहे.’ अशा कमेंट करत अनेक युझर्सनी तिला ट्रोल केलं आहे. तसेच अनेकांनी तिला धूम्रपान न करण्याचा सल्ला दिला आहे.