मुंबई: सोशल मीडियावर अनेक गोष्टी व्हायरल होत असतात. कधी एखादा खास फोटो, धम्माल व्हिडिओ, तर कधी एखादं ताल धरायला लावणारं भन्नाट गाणं. असंच एक गाणं सध्या सोशल मीडियावर व्हायरल झालं आहे. ‘ओ शेठ… तुम्ही नादंच केलाय थेट’, या गाण्यानं सध्या सोशल मीडियावर धुमाकूळ घातला आहे.

अनेकांच्या सोशल मीडिया स्टेटसवर हे गाणं पाहायला मिळत आहे. तर अनेकांच्या फोनच्या रिंगटोन आणि कॉलरट्यूनवर हे गाणं ऐकायला मिळतंय. असं हे भन्नाट गाणं उमेश गवळी यांनी गायलं असून त्यांचे सहकारी प्रणीत व संध्या यांनी संगीत दिलं आहे.
मराठी सिनेमा दिग्दर्शित करायचा काही विचार? रोहित शेट्टी म्हणतो…

‘जिथं तिथं चर्चा तुमची हो झाली,
नावाला तुमच्या डिमांड आली
ओ शेऽऽऽठ तुम्ही नादच केलाय थेट’, असे या गाण्याचे शब्द आहेत. सोशल मीडियावर या गाण्यावर अनेक लहान-लहान व्हिडिओ बनवले जात आहेत. या गाण्याची तरुणाईत प्रचंड क्रेझ असल्याचं पाहायला मिळत आहे.

गाण्याच्या माध्यमातून ट्रोलिंग
देशात गॅस व इतर वस्तूंच्या किंमती वाढल्या आहेत. राजकारण्यांना , नेतेमंडळींना ट्रोल करण्यासाठी अनेकांनी या गाण्याचा वापर केल्याचं सोशल मीडियावर दिसून येतं.