मुंबई :- शफिक शेख
कोरोनाच्या पार्श्वभूमीवर देशातला लॉकडाऊन ३० जूनपर्यंत वाढविण्याची घोषणा करण्यात आली आहे. यावेळी लॉकडाऊनचे नियम काय असतील ते देखील सरकारने जाहीर केले आहे. कटेंनमेंट झोनच्या बाहेर काही प्रमाणात लॉकडाऊनमध्ये सूट देण्यात आली आहे. ही नवीन नियमावाली १ जून ते ३० जूनपर्यंत लागू राहणार आहे. या लॉकडाऊनला Unlock 1 असेही नाव देण्यात आले आहेत. याचा अर्थ लॉकडाऊनसोबत काही गोष्टी हळुहळु उघडल्या जाणार आहेत.
नव्या नियमानुसार रात्री कर्फ्यू लावला जाणार आहे. रात्री ९ वाजल्यापासून ते सकाळी ५ वाजेपर्यंत कर्फ्यू असणार आहे, मात्र अत्यावश्यक बाबींसाठी कर्फ्यूची बाधा राहणार नाही. याआधी संध्याकाली ७ ते सकाळी ७ पर्यंत कर्फ्यूची मर्यादा होती. हा लॉकडाऊन कटेंनमेंट झोनमध्ये असल्यामुळे कटेंनमेंट झोन ठरविण्याचा अधिकार जिल्हा प्रशासनाला देण्यात आला आहे. आरोग्य आणि गृह मंत्रालयाच्या नियमानुसार कटेंनमेंट झोन ठरविला जाईल.
