मुंबई: बॉलिवूडच्या कलाकारांच्या कथित रिलेशनशिपबद्दल बी-टाऊनमध्ये नेहमीच चर्चा होताना दिसतात. यापैकीच एक जोडी आहे अभिनेता विकी कौशल आणि अभिनेत्री कतरिना कैफ यांची. मागच्या बऱ्याच काळापासून या दोघांच्या अफेअरच्या चर्चा सोशल मीडियावर सुरू आहेत. तसेच बॉलिवूडच्या काही पार्ट्यांमध्येही हे दोघं एकत्र दिसले आहेत. त्यानंतर आता सोशल मीडियावर विकी कौशलचा एक व्हिडीओ व्हायरल होताना दिसत आहे. ज्यात तो कतरिनाच्या घरून निघत असताना कॅमेऱ्यात कैद झाला आहे.

‘फुलाला सुगंध मातीचा’ मालिकेविरोधात संताप, ‘त्या’ दृश्यांवर घेतला जातोय आक्षेप

ई-टाइम्सनं विकी कौशलचा हा व्हिडीओ आपल्या इन्स्टाग्रामवर शेअर केला आहे. विकी कौशल सोमवारी दुपारी कतरिनाला भेटायला तिच्या घरी पोहोचला होता. त्यानंतर काही तासांनी विकी कौशलची कार कतरिनाच्या आपार्टमेंटमधून निघत असताना कॅमेऱ्यात कैद झाली. विकीचा हा व्हिडीओ सध्या सोशल मीडियावर खूप व्हायरल होताना दिसत आहे.

विकी कौशल आणि कतरिना कैफ यांच्या अफेअरच्या चर्चा जरी सोशल मीडियावर सुरू असल्या तरीही या दोघांनी त्यांचं नातं अद्याप उघडपणे मान्य केलेलं नाही. किंबहूना हे दोघंही कोणत्याही मुलाखतीत आपल्या नात्याविषयी बोलणं टाळताना दिसतात. पण ‘कपिल शर्मा शो’ मध्ये सूर्यवंशीच्या प्रमोशन दरम्यान करण जोहरनं कतरिनाला विकीच्या नावानं चिडवलं होतं. ‘पाहा यांच्या घरी सर्व कौशल मंगल चाललंय’ असं त्यानं कतरिना उद्देशून म्हटलं होतं.

कतरिनाच्या कामाबद्दल बोलायचं तर ती लवकरच ‘फोन भूत’ या चित्रपटात अभिनेता सिद्धांत चतुर्वेदी आणि इशान खट्टर यांच्यासोबत दिसणार आहे तर अक्षय कुमारसोबत ‘सूर्यवंशी’ या चित्रपटात दिसणार आहे. याशिवाय तिच्याकडे सलमान खानचा ‘टायगर ३’ हा चित्रपटही आहे. विकी कौशलबद्दल बोलायचं तर तो सुजीत सरकारच्या ‘सरदार उधम सिंह’ आणि आदित्य धरच्या ‘द इम्मॉर्टल अश्वत्थामा’ या चित्रपटांमध्ये दिसणार आहे. याशिवाय त्याच्याकडे सॅम मानेकशॉ यांचा बायोपिकही आहे.

राजच्या पहिल्या पत्नीने शिल्पावर केले होते गंभीर आरोप