कपिल शर्मानं पाच महिन्यांनंतर शेअर केली मुलगा त्रिशानची पहिली झलक, व्हायरल होतोय फोटो

मुंबई: लोकप्रिय कॉमेडियन कपिल शर्मा सोशल मीडियावर नेहमीच सक्रिय असतो. काही महिन्यापूर्वीच कपिलच्या पतीनं मुलाला जन्म दिला. कपिलनं त्याच्या मुलाच्या जन्मानंतर त्याचा कोणताही फोटो सोशल मीडयावर शेअर केला नव्हता. त्यामुळे त्याच्या चाहत्यांना त्याच्या मुलाची झलक पाहण्याची उत्सुकता होती. मात्र आता ही उत्सुकता संपली आहे. कपिलनं अखेर त्याच्या मुलाचा पहिला फोटो सोशल मीडियावर शेअर केला आहे.

कपिल शर्मानं मुलाचं काय नाव ठेवलं माहित्येय? जाणून घ्या त्या नावाचा अर्थही…
कपिल शर्मानं फादर्स डेच्या निमित्तानं आपल्या दोन्ही मुलांसोबत फोटो शेअर केला आहे. कपिल शर्माच्या मुलाचा हा फोटो सध्या सोशल मीडियावर खूप व्हायरल होताना दिसत आहे. कपिलनं शेअर केलेल्या फोटोमध्ये कपिलसोबत त्याची मुलगी अनायरा आणि मुलगा त्रिशान दिसत आहेत. कपिलनं या फोटोसोबत हटके कॅप्शनही दिलं आहे. कपिलनं लिहिलं, ‘पब्लिक डिमांडवरून अनायरा आणि त्रिशान पहिल्यांदा एकत्र.’

कपिल शर्माची पत्नी गिन्नी चतरथनं १ फेब्रुवारी २०२१ रोजी दुसऱ्या बाळाला जन्म दिला. मुलाच्या जन्मानंतर कपिलनं त्याची माहिती सोशल मीडियारून दिली होती. पण त्यावेळी त्यानं त्रिशानचा कोणताही फोटो सोशल मीडियावर शेअर केला नव्हता. त्रिशानच्या पहिल्या फोटोवर लाखो लाइक्स मिळाले आहेत.

कपिल शर्मा नेहमीच त्याची मुलगी अनायराचे फोटो आणि व्हिडीओ सोशल मीडियावर शेअर करताना दिसतो. पण त्रिशानचा फोटो त्यानं पहिल्यांदाच शेअर केला आहे. कपिल शर्मानं २०१८ साली गिन्नी चतरथशी लग्न केलं होतं. त्यानंतर डिसेंबर २०१९ साली पहिल्या बाळाला जन्म दिला होता.

तुम्ही लग्नाची पत्रिका नाही पाहिली का? जेव्हा कपिल शर्माच्या लग्नात पाहुण्यांनी सुमोनालाच मानलं नववधु