मुंबई: बॉलिवूडचा बादशाह शाहरुख खानला संपूर्ण जग याच नावाने ओळखतं. चाहते त्याला प्रेमाने SRK सुद्धा म्हणतात. पण त्याच्या या नावामागेही एक रंजक किस्सा आहे. शाहरुखनं स्वतःच याचा खुलासा केला आहे. त्याच्या जन्माच्या वेळी त्याच्या आजीनं त्याचं नावं काही वेगळंच ठेवलं होतं. त्यांनी शाहरुखचं नाव अब्दुर रहमान असं ठेवलं होतं. पण पुढे त्याचं हे नाव रजिस्टर झालं नाही. पण आजीची इच्छा होती की, तिच्या नातवाला या नावानेच ओळखलं जावं. शाहरुखनं एका मुलाखतीत याबद्दल बोलताना म्हटलं, ‘किती विचित्र वाटलं असतं ना जर कोणी म्हटलं असतं की, ‘बाजीगर’चा अभिनेता अब्दुर रहमान आहे.’

Behind The Scene- असा शूट केला गेला शाहिस्तेखानावरील हल्ला

शाहरुख खाननं एका मुलाखतीत याचा खुलासा केला आहे की, त्याचं आताचं नाव शाहरुख हे त्याचे वडील मीर ताज मोहम्‍मद खान यांनी त्याला दिलेलं आहे. शाहरुखचा अर्थ होतो राजकुमाराप्रमाणे दिसणारा. आपल्या नावाबाबतचा एक रंजक किस्सा शाहरुखनं अनुपम खेर यांचा टीव्ही शो ‘द अनुपम खेर शो’मध्ये सांगितला होता.

अनुपम खेर यांच्या शोमध्ये हा मजेदार किस्सा शाहरुखनं तेव्हा सांगितला जेव्हा अनुपम यांनी शाहरुखला विचारलं, ‘तू अब्दुर रहमान नावाच्या कोणत्या व्यक्तीला ओळखतोस का?’ त्यावर उत्तर देताना शाहरुख म्हणाला, ‘मी अशा कोणत्याही व्यक्तीला ओळखत तर नाही. पण माझी जी आजी होती… तिनं माझ्या जन्माच्या वेळी माझं अब्दुर रहमान हे नाव ठेवलं होतं.’

मानहानी प्रकरणातून कंगना रणौतला हवीए सवलत, याचिका दाखल

शाहरुखच्या या उत्तरानंतर अनुपम यांनी त्याला विचारलं, ‘हा प्रश्न ऐकून तुला आश्चर्य नाही वाटलं का? की तुझं खरं नाव तुझ्या आजीनं अब्दुर रहमान ठेवलं होतं.’ यावर शाहरुख म्हणाला, ‘हो मला खूप आश्चर्य वाटलं. हो, कारण हे नाव कधीच रजिस्टर झालं नाही. पण तिची इच्छा होती की मला लोकांनी याच नावानं ओळखावं. मला आताही थोडं विचित्र वाटलं. बघा विचार करा जर तुम्हाला कोणी सांगितलं की, ‘बाजीगर’चा अभिनेता अब्दुर रहमान आहे. कसं वाटतं.’

शाहरुख खान पुढे म्हणाला, ‘मी जेव्हा थोडा मोठा झालो तेव्हा माझी चुलत भावंडं मला चिडवत असत. ते म्हणत जेव्हा तुझं लग्न होईल ना तेव्हा आम्ही हे गाणं गाणार आहोत, ‘अब्‍दुर रहमान की मैं अब्‍दुर रहमानिया’ हे कोणतं जुनं गाणं होतं.’ शाहरुखनं पुढे सांगितलं, ‘माझ्या वडिलांनी जेव्हा शाहरुख ठेवलं ज्याचा अर्थ ‘राजकुमाराप्रमाणे दिसणारा’ असा होतो. बहिणीचं नाव त्यांनी लाला रुख असं ठेवलं होतं. पुढे मी त्याचा अर्थ थोडा बदलून टाकला. मी याचा अर्थ प्रिन्स चार्ल्ससारखा चेहरा असलेला असा केला. कारण माझं नाक थोडं मोठं आहे.’