मुंबई– करोना साथीच्या काळात सोनू सूद गरजू लोकांसाठी देव म्हणून धावून आला होता. अजूनही तो आपआपल्यापरिने लाखो लोकांची मदत करत आहे. कधी तो परप्रांतीयांना त्यांच्या घरी सुखरुप सोडण्याचं काम करतो तर कधी एखाद्याचा जीव वाचवण्यासाठी रात्रभर जागून ऑक्सिजन सिलेंडरची व्यवस्था करतो. यामुळेच सोनूच्या घराबाहेर गरजूंच्या लांबच्या लांब रांगा लागलेल्या पाहायला मिळतात. फक्त घरीच नाही तर ट्विटर अकाउंटवरही लाखो लोक त्याच्याकडे मदत मागत असतात. पण यादरम्यान असे काही किस्से घडतात जेव्हा सोनूही आपलं हसू रोखू शकत नाही. मंगळवारी सकाळी असेच काहीसे घडले जेव्हा एका चाहत्याने सोनूकडे आयफोन मागितला.

मुंबई पोलिसांच्या मीमवर चेल्लम सरांनी दिली प्रतिक्रिया

सोनू सूद आणि त्याचे फाउंडेशन यांना टॅग करत ‘इंजिनिअरिंग बॉय’ नावाच्या ट्विटर प्रोफाइलवरून अभिनेत्याला मेसेज करण्यात आला की, ‘भाऊ माझी मैत्रीण आयफोन मागत आहे, त्याचं काही होऊ शकते का?’ सोनू सूदनेही या यूझरला एक मजेशीर प्रत्युत्तर दिलं, त्यानंतर हे ट्वीट मोठ्या प्रमाणात व्हायरलही झालं. सोनूने उत्तर देताना लिहिले की, ‘तिचं तर माहीत नाही, पण जर आयफोन दिलास तर तुझं काही शिल्लक राहणार नाही.’ यावर सोनूने स्माइलीवाले इमोजीही शेअर केले.

सोनू सूद आणि झीशान सिद्दीकी यांची चौकशी केली जाईल

करोना महामारीत उपलब्ध करून दिलेल्या औषधांबाबत चौकशी करण्यात यावी असे आदेश न्यायालयाने दिले आहेत. हे आदेश उच्च न्यायालयात न्यायमूर्ती एसपी देशमुख आणि न्यायमूर्ती जीएस कुलकर्णी यांच्या खंडपीठाने दिले आहेत. यानंतर महाराष्ट्र सरकारने या प्रकरणात सोनू सूदसह स्थानिक कॉंग्रेसचे आमदार झीशान सिद्दीकी यांची चौकशी करण्यास सांगितले आहे.