कार्ला फाट्याजवळील फांगणे गावात बेकायदा गुटखा तयार करणाऱ्या कारखान्यावर छापा टाकून पोलिसांनी दोन कोटी पाच लाख रुपयांचा मुद्देमाल जप्त केला आहे. या प्रकरणी गुन्हा दाखल करण्याचे काम रात्री उशिरापर्यंत सुरू होते. या कारखान्याबाबत ‘लोणावळा ग्रामीण’चे पोलिस निरीक्षक टी. वाय. मुजावर यांना माहिती मिळाली होती. त्यानुसार पोलिस अधीक्षक डॉ. अभिनव देशमुख, अतिरिक्त पोलिस अधीक्षक विवेक पाटील, उपविभागीय पोलिस अधिकारी नवनीत कॉवत यांच्या मार्गदर्शनाखाली मुजावर यांनी पथकासह छापा टाकला. अभिजीत सुरेश कुरले (वय ३०, रा. बिजलीनगर, चिंचवड), शिवलाल संपतलाल टाक (वय ४३, दुर्गामाता चौक, वडगाव शेरी), राजेंद्रकुमार गंगाराम जोशी (वय ४१, रा. बिकानेर, राजस्थान) आणि ओम प्रकाश गोवर्धन बिश्नोई (वय ३३, रा. राजस्थान) अशी अटक केलेल्या आरोपींची नावे आहेत.