मुंबई : ‘तारक मेहता का उल्टा चश्मा’ ही छोट्या पडद्यावरील सर्वाधिक लोकप्रिय मालिका आहे. या मालिकेवर अनेक मजेशीर व्हिडीओ, मीम्स सतत तयार होतात. हे मीम्स सोशल मीडियावर शेअर ही केले जातात. अशा मेजशीर मीम्सना युझर्सकडून भरभरून प्रतिसाद मिळतो. अलिकडेच या कार्यक्रमावर आणखी एक मजेशीर व्हिडीओ सोशल मीडियावर शेअर झाला आहे. त्याला देखील युझर्स भरभरून प्रतिसाद देत आहेत.

‘तारक मेहता का उल्टा चश्मा’ मालिकेतील एका चाहत्याने ‘रईस’ या सिनेमावर आधारित एक क्रॉसओवर व्हिडीओ बनवला आहे. दिलीप जोशी उर्फ जेठालाल यामध्ये रईसच्या रुपामध्ये दिसत आहे. वास्तविक ही भूमिका सिनेमामध्ये शाहरुख खान याने साकारली आहे.

सर्वांना आपलीशी वाटणारी गोकुळधाम सोसायटी

दरम्यान, ‘तारक मेहता का उल्टा चश्मा’ मालिका ही सर्वसामान्य माणसाच्या आयुष्याशी रिलेट करणारी आहे. त्यामुळे ही मालिका खूपच लोकप्रिय झाली. या मालिकेमध्ये मुंबईतील गोकुळधाम सोसायटी, त्यामध्ये राहणारी वेगवेगळ्या स्वभावाचे लोक, त्यांच्यातील प्रेम, त्यांच्यातील वादावादी, त्याचप्रमाणे एकमेकांच्या संकटांमध्ये धावून जाणारे हे सारे काही या मालिकेत दाखवले आहेत. या मालिकेतील ही सर्व पात्रे, वातावरण प्रेक्षकांना आपली वाटतात.

कायम अडचणींमध्ये अडकलेले जेठालाल

‘तारक मेहता का उल्टा चश्मा’ मालिकेत दिलीप जोशी हे जेठालालची भूमिका साकारत आहेत. जेठालाल हे व्यापारी आहेत. मात्र त्यांच्या स्वभावामुळे ते कायम अडचणींमध्ये अडकतात. जेठालाल ज्या अडचणींमध्ये अडकतात आणि त्यातून ते बाहेर पडण्यासाठी जी धडपड करतात ते पाहून चाहत्यांना त्यांचे हसू आवरत नाही.