इंटरनेटवर कंपनीचा नंबर शोधला

पोलिसांनी दिलेल्या माहितीनुसार ३३ वर्षांच्या या अभिनेत्याने एका वित्तीय कंपनीकडून पाच वेळा कर्ज घेतले होते. कर्जाची एकूण रक्कम सुमारे दीड लाख रुपये इतकी आहे. दरम्यानच्या काळात अभिनेत्याला त्याच्या कर्जातील काही रक्कमेचा भरणा करायचा असल्याने त्याने या कंपनीचा नंबर इंटरनेटवर शोधला. नंबर मिळाल्यानंतर त्याने फोन केला तिथून त्याला कोणताही प्रतिसाद मिळाला नाही. परंतु लगेचच दुस-या दिवशी एका व्यक्तीने या अभिनेत्याला फोन केला. या व्यक्तीने त्याचे नाव राजगोपाल कुंडू असल्याचे सांगितले आणि आपण या कंपनीत काम करत असल्याचे सांगितले.

त्याच्याजवळ माझी सर्व माहिती होती

राजगोपाल नावाच्या व्यक्तीने अभिनेत्याला विचारले की तुम्हांला कर्ज घ्यायचे आहे का अशी विचारणा केली. यावर त्या अभिनेत्याने सांगितले की, त्याला कर्ज नाही तर घेतलेल्या कर्जापैकी काही रक्कम भरायची आहे. अभिनेत्या पोलिसांना सांगितले, ‘ त्या व्यक्तीने माझ्या अकाऊंटचा आयडी मागितली. त्यानंतर त्याने मी घेतलेली कर्ज आणि त्याचा अकाऊंट नंबर सहित सर्व माहिती दिली. त्याने मला सांगितले की ए लाख २५ हजार रुपये इतके कर्ज फेडणे बाकी आहे.त्याने मला मालाडमधील त्यांच्या ब्रँचचा अकाऊंट नंबर दिला आणि त्यावर .पैसे ट्रान्सफ्रर करण्यास सांगितले. मी त्या अकाऊंटला माझ्या डिजीटल वॉलेटमधून ८६ हजार रुपये भरले. ‘

मेसेज न आल्यामुळे संशय आला
जेव्हा पैसे भरल्यानंतर अभिनेत्याच्या मोबाईलवर त्या वित्तीय कंपनीचा पैसे भरल्याचा कोणताही मेसेज आला नाही. त्यामुळे अभिनेत्याने त्या राजगोपालला फोन केला. त्यावेळी त्या राजगोपालने सांगितले की, लॉकडाऊन असल्याने ऑफिस बंद आहे. त्यामुळे दुस-या दिवशी तुम्हांला पैसे भरल्याचा मेसेज येईल. असे त्याने सांगितल्यानंतर अभिनेत्याला संशय आल्याने राजगोपालकडून त्याचे ओळखपत्र मागितले. त्याने ते अभिनेत्याला मोबाईलवर पाठवून दिले.

कंपनीने केले हात वर
अभिनेत्याने पुढे सांगितले, ‘ त्यानंतर मी पुन्हा कर्ज घेतलेल्या वित्तीय कंपनीला फोन केला आणि राजगोपालबाबत माहिती दिली. कंपनीच्या अधिका-यांनी सांगितले की अशा नावाच्या कोणत्याही व्यक्तीला ते ओळखत नाही.’ त्यानंतर अभिनेत्याने पोलिसांशी संपर्क साधला आणि फसवणुकीचा गुन्हा दाखल केला आहे.