ट्रम्प यांच्या वर्णभेदी टिप्पणीवरून संताप

वॉशिंग्टन: विरोधी डेमोक्रॅटिक पक्षाच्या खासदार एलिजा कमिंग्ज यांच्यावर वर्णभेदी टीका करताना कृष्णवर्णीयांचा समावेश असलेल्या बाल्टिमोर शहराला उंदरांचे शहर संबोधणाऱ्या अमेरिकेचे अध्यक्ष डोनाल्ड ट्रम्प यांच्यावर टीकेची झोड उठली आहे. अमेरिकेतील सद्यस्थितीवर टिप्पणी न करणारे अमेरिकेचे माजी अध्यक्ष बराक ओबामा यांनी एका लेखाच्या माध्यमातून तत्कालीन ओबामा सरकारमधील १४८ आफ्रिकन-अमेरिकन लोकांचे महत्त्व विषद केले आहे. ट्रम्प यांच्या वक्तव्याच्या निमित्ताने ‘ट्विटर’ आणि ‘वॉशिंग्टन पोस्ट’च्या माध्यमातून ट्रम्प यांच्या वर्णभेदी टीकेवर भाष्य केले आहे.

‘मी माझ्या सर्व सहकार्यांबद्दल कायमच सकारात्मक होतो. त्यांचा मला अभिमानही वाटतो. प्रशासनात कोणताही भेदभाव केला जात नसे. आम्ही सर्वच आफ्रिकन अमेरिकी आहोत. मात्र, आम्ही अमेरिकेचेच आहोत, देशभक्त आहोत. वंशभेद, लिंगभेद, समलिंगी विषयवासना असणाऱ्याविषयी वाटणारा तिटकारा याबाबत अध्यक्षच काय मात्र कोणत्याही निवडून दिलेल्या सदस्याने जाहीरपणे वादग्रस्त टिप्पणी करणे म्हणजे लोकशाहीमध्ये विष कालवण्याचाच प्रकार आहे. कृष्णवर्णीयांवर अशी टिप्पणी करून त्यांना देश सोडायला भाग पाडणे पूर्णपणे चुकीचेच आहे,’ असे ओबामा यांनी म्हटले आहे. बराक यांच्यानंतर मिशेल ओबामा यांनीही ट्रम्प यांच्या वक्तव्यावर ‘ट्विट’च्या माध्यमातून टीका केली आहे. मिशेल म्हणाल्या, ‘अमेरिकेत विविध वंशाचे लोक एकत्रित राहतात. ही विविधताच आपली ओळख आहे. कृष्णवर्णीय नागरिकांना योग्य सन्मान मिळालाच पाहिजे.’

बाल्टीमोरबाबत असभ्य टीका

ट्रम्प यांनी अमेरिकेतील बाल्टीमोर जिल्ह्याविषयी असभ्य भाषेत टीका केली होती. आपल्या ट्वीटमध्ये त्यांनी या प्रांतांचा उल्लेख ‘घृणास्पद आणि उंदीर, घुशींच्या झुंडींचा गोंधळ’ या शब्दांत केला. या जिल्ह्यात कृष्णवर्णीय नागरिक मोठ्या प्रमाणावर असल्यामुळे ट्रम्प यांच्यावर वंशभेदाची टिप्पणी केल्याचा आरोप केला जात आहे. ट्रम्प प्रशासनाच्या धोरणांवर कायम टीका करणारे रिपब्लिकन पक्षाचे नेते इलिजाह कमिंग्ज हे बाल्टीमोरचे प्रतिनिधित्व करतात. ट्रम्प प्रशासनाच्या स्थलांतरितांविषयीच्या धोरणांवर त्यांनी नुकतीच टीका केली होती. त्यानंतर ट्रम्प यांनी ट्वीट करून बाल्टीमोर या भागावर निशाणा साधला. ‘अमेरिकेतील सर्वाधिक वाईट पद्धतीने चालविला जाणारा आणि सर्वाधिक धोकादायक परिसर’ असा बाल्टीमोरचा अपमानास्पद उल्लेख ट्रम्प यांनी केला. ट्रम्प यांच्या या ट्वीटनंतर त्यांच्यावर टीका होत असून बाल्टीमोरचे गव्हर्नरनेही कमिंग्ज यांच्या समर्थनार्थ भूमिका घेतली आहे. दोन आठवड्यांपूर्वी ट्रम्प यांनी काँग्रेसच्या चार महिला लोकप्रतिनिधींवर त्यांच्या रंगावरून टिप्पणी केली होती.

दरम्यान, रविवारी ट्रम्प यांनी पुन्हा ट्विट करून आपल्या वक्तव्याचे समर्थन केले. ‘कमिंग्ज यांनी आपल्या बाल्टीमोर जिल्ह्यामध्ये अतिशय खराब कामगिरी केली आहे. तेथील परिस्थिती समोर आणण्यामध्ये काहीच वावगे नाही,’ असे ट्रम्प यांनी म्हटले आहे. डेमोक्रॅटिक पक्षावर टीका करताना त्यांनी पुढे म्हटले की, ‘डेमोक्रॅट्सनी कायमच वंशाचे ‘कार्ड’ चालविले आहे. खरे तर आफ्रिकन-अमेरिकन नागरिकांसाठी त्यांनी फारच कमी काम केले आहे.’

• BERLIN, GERMANY – APRIL 06: Former U.S. President Barack Obama speaks to young leaders from across Europe in a Town Hall-styled session on April 06, 2019 in Berlin, Germany. Obama spoke to several hundred young people from European government, civil society and the private sector about the nitty gritty of achieving positive change in government and society