मुंबई– लोकप्रिय बॉलिवूड अभिनेता हृतिक रोशन याची पूर्वाश्रमीची पत्नी सुजैन खान अनेकदा चाहत्यांच्या चर्चेचा विषय असते. सुजैनच्या चाहत्यांची संख्या मोठी आहे. परंतु, नुकत्याच व्हायरल झालेल्या एका व्हिडीओमुळे सुजैनला ट्रोल केलं गेलंय. सुजैनच्या वागण्यामुळे ती ट्रोलर्सच्या निशाण्यावर आली आहे. त्याचं झालं असं की सुजैन तिच्या गाडीतून बाहेर पडली आणि छत्री घेऊन निघून गेली. मात्र तिचा ड्राइव्हर मात्र पावसात भिजत होता. नेमकं हेच नेटकऱ्यांना खटकलं. त्यावरून नेटकऱ्यांनी सुजैनला ट्रोल करायला सुरुवात केली.

‘असले फोटो काढायला वाघाचं काळीज पाहिजे’; चाहत्याच्या कमेंटवर अमृतानं दिलं असं उत्तर की…

मंगळवारी भर पावसात सुजैन पार्लरला गेली होती. तेव्हाचा एक व्हिडीओ सोशल मीडियावर प्रचंड व्हायरल झाला. सुजैन गाडीतून बाहेर पडताच तिच्या ड्राइव्हरने सुजैनला छत्री दिली. ती छत्री घेऊन सुजैन पुढे निघून गेली. तर ड्राइव्हर पावसात भिजत पुन्हा गाडीत बसण्यासाठी निघून गेला. हा व्हिडीओ पाहून नेटकऱ्यांनी सुजैनला ट्रोल केलं. एका युझरने कमेंट करत लिहिलं, ‘किती वाईट स्वतः छत्री घेतली आणि निघून गेली, दुसऱ्या व्यक्तीला भिजण्यासाठी बाहेर सोडून गेली.’ अशाच कमेंट करत अनेक युझर्सनी तिला ट्रोल केलं.

तर दुसरीकडे सुजैनचे चाहतेदेखील तिची बाजू सावरताना दिसले. सुजैनच्या एका चाहतीने ट्रोलर्सना उत्तर देत म्हटलं, ‘जे म्हणतायत तो बिचारा ड्राइव्हर आहे, त्यांना सांगते की ती ड्राइव्हरला पैसे देते. फुकट काम करायला ठेवलं नाहीए. तुमच्या घरी कामवाली येते तेव्हा तुम्ही तिच्याकडून झाडू घेऊन स्वतः काम करायला सुरुवात करता का.. काहीही बोलायचं. नेहमी दुसऱ्यांची निंदा करायची.’ सुजैन सध्या सोशल मीडियावर प्रचंड सक्रिय असते. सुजैनच्या व्यायाम करतानाच्या व्हिडीओ देखील चाहत्यांना पसंत पडला होता. असं म्हटलं जातं की सुजैन सध्या अली गोनीच्या भावाला डेट करत आहे. पण याबद्दल कोणतीही अधिकृत विधान अजूनपर्यंत समोर आलेलं नाही.

दिया मिर्झाला पुत्ररत्न पण दोन महिन्यांपासून ICU मध्ये आहे बाळ