मुंबई: बॉलिवूडची आघाडीची गायिका म्हणून ओळखली जाणारी नेहा कक्कर आज या ठीकाणी आहे ते यश मिळवणं सर्वांच्याच अवाक्यातील गोष्ट नाही. नेहा ४ वर्षांची असल्यापासून गाते. तिनं आयुष्यात यशस्वी होण्यासाठी बरेच परिश्रम घेतले आहेत. एवढंच नाही तर वेगवेगळ्या कारणांनी लोकांच्या टीकेचा सामनाही तिनं केला आहे. आजही अनेकदा तिला सोशल मीडियावर ट्रोल केलं जातं. कधी तिच्या कपड्यांवरून तर कधी तिची उंची कमी असण्यावरून तिची खिल्ली उडवली जाते.

कॉमेडियन कीकू शारदानं त्याच्या एका स्पूफ व्हिडीओमध्ये अभिनेता आणि कॉमेडियन गौरव गेरासोबत मिळून नेहा कक्करच्या कमी असलेल्या उंचीची खिल्ली उडवली होती. त्यांनी आपल्या व्हिडीओमध्ये नेहा कक्करच्या उंची एवढीच उंची असलेल्या एका व्यक्तीला आपल्या व्हिडीओमध्ये सामील केलं होतं. पण खिल्ली उडवण्याच्या नादात त्यांनी आपल्या मर्यादा ओलांडल्या आणि नेहा बद्दल काही अशा गोष्टींचा उल्लेख केला ज्यामुळे नेहाला धक्का बसला होता.

आई- वडिलांना जन्मापूर्वीच नकोशी झाली होती नेहा कक्कर; भावाने सांगितलं कारण
नेहानं त्यावेळी यावर संताप व्यक्त करताना आपल्या इन्स्टाग्राम स्टोरीमधून कीकू शारदाला सडेतोड उत्तर दिलं होतं. तिनं कोणाचंही नाव न घेता आपल्या इन्स्टाग्राम स्टोरीवर लिहिलं, ‘एवढं जास्त एन्जॉय करता माझ्या गाण्यांवर, माझ्या गाण्यांवर तुमच्या पार्ट्या चालतात, आपल्या गर्लफ्रेंड बॉयफ्रेंडला मी गायलेली लव्ह साँग ऐकवता. लाज नाही वाटत का असं माझ्याबद्दल बोलताना. ज्या लोकांमुळे आपण आनंदी होतो त्यांचे आभार मानायला हवेत. कारण आजकाल आपल्याला आनंद सहजासहजी मिळत नाही. पण माझ्या गाण्यांवर एन्जॉय केल्यानंतर हे सर्व का?’

नेहानं आपल्या स्टोरीमध्ये पुढे लिहिलं, ‘लाज वाटली पाहिजे अशा प्रकारे नकारात्मक आणि अपमानकार कॉन्टेन्ट तयार करणाऱ्यांना. मला ओळखणाऱ्या सर्वांनाच माहीत आहे की, मी कॉमेडीचा किती आदर करते. पण यांनी जे केलंय ते खूपच वाईट आहे. जर माझा एवढा तिरस्कार वाटतो तर बंद करा माझ्या नावाचा वापर करणं, बंद करा माझ्या गाण्यांवर नाच-गाणं.’

Indian Idol 12 च्या परीक्षकांच्या नाटकी प्रतिक्रिया पाहून चाहते भडकले, तिघंही झाले ट्रोल
नेहानं त्यानंतर एका इन्स्टाग्राम लाइव्ह चॅटमध्येही तिच्या उंचीवरून जेव्हा तिची खिल्ली उडवली जाते. तेव्हा या सर्व गोष्टींना कशी सामोरी जाते हे सांगितलं होतं. ती म्हणाली होती, ‘तुम्ही फक्त स्वतःला एवढंच पटवून द्या की तुम्ही सुंदर आहात. काय झालं जर माझी उंची कमी आहे. मला माहीत आहे मी सर्वांपेक्षा सुंदर आहे.’ दरम्यानं मागच्या काही काळापासून नेहाला ‘इंडियन आइडल १२’मुळे ट्रोल केलं जात आहे. गायक अभिजित भट्टाचार्यनं नेहाचं नाव न घेता तिच्यावर निशाणा साधला होता. ‘ज्यांनी ४ गाणी गायली नाहीत त्यांना परीक्षकाच्या खुर्चीवर बसवलं आहे’ असं त्यानं म्हटलं होतं.