मुंबई : सोनी सब वाहिनीवरून प्रसारित होणारी ‘तारक मेहता का उल्टा चश्मा‘ ही मालिका प्रचंड लोकप्रिय आहे. गेल्या १३ वर्षांपासून ही मालिका सुरू असून लोकप्रियतेचे सर्व रेकॉर्ड ब्रेक केले आहेत. या मालिकेतील जेठालाल, बबिता ही पात्रे प्रेक्षकांचं मनोरंजन करत आहेत. या मालिकेतील प्रत्येक कलाकाराचे स्वतःचे असे चाहते आहेत. अनेकदा कलाकार बदलत गेले परंतु या कार्यक्रमाची लोकप्रियता आणि त्याच्या टीआरपीवर काहीही परिणाम झाला नाही.

‘खेळण्यांऐवजी हातात माईक दिला’, नेहा कक्करने जागवल्या आठवणी

सध्या या कार्यक्रमात दयाबेन अर्थात दिशा वकानी नसली तरी त्याचा या कार्यक्रमाच्या लोकप्रियतेवर काहीही परिणाम झालेला नाही. यातील प्रत्येक कलाकारावर प्रेक्षकांनीही भरभरून प्रेम केले आहे. परंतु तुम्हाला एक गोष्ट माहीत आहे का या कार्यक्रमातील कलाकार किती मानधन घेतात ते? या कलाकारांची मानधनाची रक्कम ऐकून तुम्ही आश्चर्यचकित व्हाल.

श्याम पाठक या कार्यक्रमात पोपटलाल ही भूमिका साकरत आहे. पेशाने पत्रकार असलेला पोपटलाल हे पात्र प्रेक्षकांचे चांगलेच मनोरंजन करत असते. या भूमिकेसाठी श्याम पाठक एका एपिसोडसाठी २८ हजार रुपये मानधन आकारतो.

कुश शाह हा या मालिकेत गोली हे पात्र साकारत आहे. टप्पूसोबत त्याची खूप छान मैत्री आहे. या दोघांना खाणे-पिणे प्रचंड आवडते आणि या कार्यक्रमातही हे दोघे तेच करत असतात. कुश शाह एका एपिसोडसाठी ८ हजार रुपये मानधन घेतो.

कंगनाची टिवटिव बंद झाल्याने बॉलिवूड कलाकार भलतेच खुश, म्हणाले

मंदार चांडवाडकर या मालिकेमध्ये आत्माराम भिडे ही भूमिका साकारत आहे. मंदार या मालिकेसाठी २० ते २१ दिवस चित्रीकरण करतात आणि एका भागासाठी ते किमान ३० हजार रुपये मानधन घेतात.

मुनमुन दत्ता ही या मालिकेत बबीता अय्यर हे पात्र साकारत आहे. जेठालाल बरोबरचे तिचे ट्युनिंग खूप छान असते आणि प्रेक्षकांनाही ते खूप आवडते. एका भागासाठी मुनमुन ३० हजार रुपये घेते आणि ती १६ ते १७ दिवस काम करते.

जेनिफर मिस्त्री बनसीवाल या मालिकेमध्ये रोशन कौर ही भूमिका करते. एका भागासाठी जेनिफर २२ हजार रुपये आकरते आणि ती महिन्यातील १० ते १२ दिवस काम करते.

राज अनादकट या कार्यक्रमात टप्पू ही भूमिका साकारत होता. काही दिवसांपूर्वी त्याची जागा भव्या गांधीने घेतली आहे. राज एका भागासाठी १० हजार रुपये आकारत होता.

अमित भट्ट या कार्यक्रमात चंपक चाचा ही भूमिका साकारत आहे. चंपक चाचा म्हणजे जेठालालचे वडील. तो एका भागासाठी ३५ हजार मानधन घेतो. तो महिन्यात २१ दिवस काम करतो. बाबूजी या पात्राने प्रेक्षकांच्या मनात त्याने स्वत:चे असे स्थान निर्माण केले आहे.

दिलीप जोशी हे तारक मेहता का उल्टा चश्मा या कार्यक्रमातील मुख्य भूमिका अर्थात जेठालालची भूमिका साकारतात. ते एका दिवसासाठी ५० हजार रुपये इतके मानधन घेतात आणि ते महिन्यातील २५ दिवस काम करतात. दरम्यान, दिलीप जोशी यांनी या मालिकेबरोबरच काही हिंदी सिनेमांमध्येही काम केले आहे.