मुंबई– बॉलिवूड अभिनेत्री कियारा अडवाणी बॉलिवूडमधील लोकप्रिय अभिनेत्रींपैकी एक आहे. कियाराने तिच्या अभिनयाने आणि सौंदर्याने चाहत्यांवर भुरळ घातली आहे. कियाराच्या सोज्वळ दिसण्याचे आणि गोड हसण्याचे लाखो लोक वेडे आहेत. कियारा नेहमीच सोशल मीडियावर चर्चेत असते. परंतु, या वेळेस मात्र कियारा सोशल मीडियावर ट्रोल होत आहे. कियाराचा एक व्हिडीओ चाहत्यांमध्ये वायरल होत आहे. हा व्हिडीओ पाहून नेटकरी कियारावर प्रचंड संतापले आहेत.

अनिल कपूर यांचा मुलगा आहे, म्हणून अनेक लोक मला…हर्षवर्धननं सांगितला अनुभव

चाहत्यांमध्ये कियारा अभिनेता सिद्धार्थ मल्होत्राला डेट करत असल्याच्या चर्चा आहेत. कियारा आणि सिद्धार्थने त्यांच्या नात्याबद्दल कोणतीही घोषणा केलेली नाही. कियाराला अनेकदा सिद्धार्थच्या घरी जाताना पाहिलं गेलंय. वायरल झालेल्या व्हिडिओमध्येही कियारा सिद्धार्थच्या घरी आली आहे. परंतु, कियारा जेव्हा गाडीतून उतरतेय तेव्हा तिच्यासाठी दरवाजा खोलणाऱ्या व्यक्तीला पाहून नेटकरी भडकले आहेत. व्हिडिओमध्ये कियारासाठी एक प्रौढ व्यक्ती दरवाजा उघडत आहेत. इतकंच नाही तर दरवाजा उघडल्यानंतर ते कियाराला सॅल्यूट देखील करतात. हे पाहून नेटकऱ्यांचा पारा चढला आहे.

नेटकऱ्यांनी या व्हिडिओवर अनेक कमेन्ट केल्या आहेत. कियाराने स्वतः गाडीचा दरवाजा का उघडला नाही, असा प्रश्न अनेक युझर्स विचारत आहेत. तर काहींनी समोरच्या व्यक्तीचं वय तरी पाहायचं, तुझ्या वडिलांच्या वयाचे आहेत ते, त्यांच्याकडून सॅल्यूट करून घेतेस, असं म्हटलं आहे. एका युझरने लिहिलं, ‘भारतीय बॉलिवूड कलाकार स्वतःला श्रीमंत समजतात.’ तर आणखी एका युझरने लिहिलं, ‘तुम्ही येता कुठून, वडीलांच्या वयाचे आहेत ते आणि त्यांच्यकडूनच सॅल्यूट करून घेताय.’ कियाराचा हा व्हिडीओ सोशल मीडियावर प्रचंड वायरल होत आहे.

‘दिलीप कुमार यांनी हिंदू नावानं पैसे कमावले’ असं म्हणणाऱ्या भाजप नेत्यावर उर्मिला यांचा निशाणा