मुंबई, दि. 27 : माहिती व जनसंपर्क महासंचालनालय निर्मित ‘दिलखुलास’ या कार्यक्रमात, सांस्कृतिक कार्य संचालनालयाचे संचालक बिभीषण चवरे  यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर  शनिवार दि. 30 जुलै व सोमवार 1 ऑगस्ट 2022 रोजी सकाळी 7.25 ते 7.40 या वेळेत प्रसारित होईल.  वरिष्ठ सहायक संचालक वर्षा आंधळे यांनी ही मुलाखत घेतली आहे.

स्वातंत्र्याचा अमृत महोत्सव देशभरात उत्साहात साजरा करण्यात येत आहे,  राज्यात या अमृत महोत्सवानिमित्त विविध कार्यक्रमांचे आयोजन करण्यात आले आहे. हर घर तिरंगा, स्वराज्य महोत्सव यांसारख्या कार्यक्रमांची तयारी, नागरिकांना या कार्यक्रमात सहभागी कसे करून घेतले जाणार आहे, यासह  सांस्कृतिक कार्य संचालनालयातर्फे राबविण्यात येणाऱ्या अन्य उपक्रमांविषयी माहिती श्री. चवरे यांनी दिलखुलास कार्यक्रमातून दिली.

०००