मुंबई : बॉलिवूड अभिनेत्री दीपिका पादुकोण बऱ्याच दिवसांनंतर दिसली. मध्यंतरी तिला करोना झाल्यानंतर ती सार्वजनिक ठिकाणी दिसली नव्हती तसेच सोशल मीडियावरही ती फारशी सक्रीय नव्हती. मात्र, शुक्रवारी संध्याकाळी दीपिका निर्माता संजय लिला भन्साळी यांच्या ऑफिसच्याबाहेर दिसून आली. त्यावेळी तिथे उपस्थित असलेल्या फोटोग्राफर्सना तिने हात केला आणि ती भन्साळी यांच्या ऑफिसमध्ये गेली. यावेळी दीपिकाने केशरी रंगाचा मोठ्या साईझचा स्वेटरॉ आणि निळ्या रंगाची डेनिम घातली होती. तोंडावर मास्कही होता.

दीपिकाचे फोटो पाहून आश्चर्यचकीत

आपल्या परफेक्ट अशा ड्रेसिंग सेन्ससाठी दीपिका ओळखली जाते. अशा या दीपिकाने मोठ्या साईजच्या कपड्यांमधील फोटो सोशल मीडियावर खूपच व्हायरल झाले आहेत. तिचे हे फोटो पाहून अनेकांनी आश्चर्य व्यक्त केले. दीपिकाच्या या लुकचे तिच्या चाहत्यांनी कौतुक केले तरी त्यांच्या मनात असंख्य प्रश्न निर्माण झाले.

तू गरोदर आहेस का?

कपड्यांच्या बाबतीत खूपच सजग असलेल्या दीपिकाने मोठ्या आकाराचे कपडे घातल्याने सगळ्यांना आश्चर्य वाटले. तिचे हे फोट पाहून काही युझर्सनी ‘दीपिका तू गरोदर आहेस का?’ असा थेट सवाल विचारला. त्यामुळे सोशल मीडियावर तिच्या गरोदरपणावर चर्चा सुरू झाली. तर एका युझरने लिहिले की, ‘तू बेबी बंप लपवण्यासाठी असे मोठ्या आकाराचे कपडे घातले आहेस का?’ काही दिवसांपूर्वी दीपिकाने कैरी खातानाचा व्हिडीओ इन्स्टाग्राम अकाऊंटवर शेअर केला होता. त्याहीवेळी युझर्सने तिला प्रेग्नंसीवरून प्रश्न विचारले होते.

दरम्यान, दीपिकाच्या कामाबद्दल सांगायचे तर ‘८३’ हा तिचा सिनेमा प्रदर्शनासाठी सज्ज आहे. हा सिनेमा भारतीय क्रिकेट संघाने १९८३ मध्ये विश्वचषक जिंकल्याच्या घटनेवर आधारीत आहे. या सिनेमामध्ये रणवीर सिंहने कपील देव यांची भूमिका साकारली आहे. तर दीपिकाने कपील देव यांच्या पत्नीची रोमीची भूमिका साकारली आहे. दीपिका आणि रणवीर यांनी लग्नाआधी अनेक सिनेमांत एकत्र काम केले आहे. परंतु लग्नानंतर त्यांनी काम केलेला हा पहिलाच सिनेमा आहे. त्यामुळे त्यांच्या चाहत्यांना या सिनेमाबद्दल खूपच उत्सुकता आहे.