मुंबई- बॉलिवूड अभिनेत्री ऐश्वर्या राय बच्चन तिच्या अभिनयाबरोबरच सौंदर्यासाठीही ओळखली जाते. तिच्या आरस्पानी सौंदर्याचे कोट्यवधी चाहते आहेत. पण आज ऐश्वर्या एका वेगळ्याच कारणामुळे चर्चेत आली आहे. सोशल मीडियावर अभिनेत्री दुसऱ्यांदा गरोदर असल्याची चर्चा सुरू झाली आहे. अलीकडे ऐश्वर्याचे काही नवीन फोटो समोर आले या फोटोंना पाहूनच चाहते ती गरोदर असल्याचा अंदाज वर्तवत आहेत.

असं असलं तरी याबद्दल कोणतीही अधिकृत माहिती समोर आलेली नाही. तसेच ऐश्वर्या किंवा तिच्या कुटुंबातील कोणत्याही सदस्याने याबद्दल काहीही सांगितलेलं नाही. ऐश्वर्याचे नुकतेच नवीन फोटो समोर आले. यात तिचं वजन वाढलेलं दिसत आहे. याशिवाय फोटोत बेबी बंपही दिसत आहे. याचमुळे युझर्सना ऐश्वर्या लवकरच गोड बातमी देणार असं वाटत आहे.

हे फोटो सेलिब्रिटी पत्रकार विरल भयानी याने आपल्या अधिकृत सोशल मीडिया अकाउंटवर शेअर केली आहेत. यात ऐश्वर्या, अभिषेक आणि मुलगी आराध्या शूटच्यावेळी सरथ कुमारच्या घरी पोहोचले त्यावेळी हे फोटो घेण्यात आले.

या छायाचित्रांमध्ये ऐश्वर्याने काळ्या रंगाचा ड्रेस घातला अससून तिने कोणताही मेकअप केलेला नाही. तसेच या फोटोंमध्ये ती जाड झाल्यासारखीही वाटते. एवढंच नाही तर फोटोमध्ये तिचं पोट किंचीत वाढलेलं दिसतं. नेमकी याचवरून युझर्सने ऐश्वर्या गरोदर असल्याचा तर्क लावला आहे.

सोशल मीडियावर अनेक युझर कमेन्ट करून आपल्या प्रतिक्रिया देत आहेत. एका युझरने लिहिले की, ‘ऐश्वर्या गरेदर आहे का?’ त्याचवेळी दुसऱ्या युझरनने लिहिले की, ‘ही तर चांगली बातमी आहे की ऐश्वर्या गरोदर आहे.’ असं असलं तरी याबद्दल कोणतीही अधिकृत माहिती अद्याप समोर आलेली नाही.

दरम्यान, ऐश्वर्या आणि अभिषेकचे २००७ मध्ये लग्न झाले. त्यांना २०११ मध्ये मुलगी झाली. अभिषेक बच्चन सोशल मीडियावर खूप अ‍ॅक्टिव असतो. अभिषेक बच्चन आणि ऐश्वर्या राय यांनी ‘कुछ ना कहो’, ‘गुरु’, ‘रावण’, ‘धूम २’, ‘ढाई अक्षर प्रेम के’, ‘सरकार राज’ आणि ‘बंटी और बबली’ अशा बर्‍याच चित्रपटात एकत्र काम केले आहे.