धक्कादायक! ओडिशा, झारखंडमध्ये पोलीस पथकांवरच हल्ले

भुवनेश्वर/ रांची: ओडिशा आणि झारखंडमध्ये पोलिसांच्या पथकावरच जमावाने हल्ला केल्याच्या घटना घडल्या आहेत. करोनापासून बचावासाठी लागू केलेल्या नियमांचे पालन करा, असे सांगण्यासाठी पोलिसांचे पथक गेले. त्यावेळी जमावानेच त्यांच्यावर हल्ला चढवला. यात पोलीस अधिकाऱ्यासह तीन कर्मचारी जखमी झाले असून, या घटनेनंतर १२ जणांना अटक केली आहे.

ओडिशामधील मयूरभंज जिल्ह्यातील एका गावात पारंपरिक चैत्री पर्वाचे आयोजन केले होते. गावात मोठ्या संख्येने ग्रामस्थ जमले होते. याबाबत माहिती मिळाल्यानंतर तिथे पोलीस पोहोचले. करोनापासून असलेल्या धोक्याची सूचना पोलीस देत होते. नियमांचे पालन करावे असे सांगत होते. मात्र, जमावाने पोलिसांवरच हल्ला केला. यात एका पोलीस अधिकाऱ्यासह तिघे पोलीस कर्मचारी जखमी झाले. या प्रकरणी १२ जणांना अटक करण्यात आली आहे.

१६ वर्षीय मुलीची अपहरणानंतर निर्घृण हत्या, सामूहिक बलात्काराचा संशय

झारखंडमधील गोड्डा जिल्ह्यातही एका गावात लोकांचा जमाव एकत्रित आल्याची माहिती मिळाल्यानंतर पोलीस पथक त्या ठिकाणी पोहोचले. करोना नियम पाळण्यासंबंधी पोलिसांनी सूचना केल्या. त्यावेळी त्यांच्यावर हल्ला करण्यात आला. मिळालेल्या माहितीनुसार, सुदर पहाडी पोलीस ठाण्याच्या हद्दीतील डमरू गावात रविवारी बाजार भरला होता. लोक मोठ्या संख्येने बाजारात आले होते. हे आदिवासी बहुल परिसर आहे. आजूबाजूच्या गावांतील लोकही या ठिकाणी खरेदीसाठी आले होते. याची माहिती पोलिसांना मिळाली. त्यांनी करोना नियम पाळण्यासंबंधी सूचना देण्यास सुरुवात केली. त्यावेळी जमावाने त्यांच्यावर हल्ला केला. सुरुवातीला पोलिसांनी माघार घेतली. मात्र, नंतर कठोर कारवाई करत बाजार बंद केला.

नागपुरात विविध ठिकाणी दोन विद्यार्थिनींच्या आत्महत्या