मुंबई : बंगाली सिनेसृष्टीतील आघाडीची अभिनेत्री आणि तृणमूल काँग्रेसची खासदार नुसरत जहां सध्या खासगी आयुष्यामुळं चर्चेत आली आहे. पती निखिल जैनसोबतचा वाद सर्वांसमोर आल्यानंतर नुसरत गरोदर असल्याचंही समोर आलं. त्यामुळं हे प्रकरण आणखीच चर्चेचं कारण ठरलं. पण आता नुसरतचा गरोदरपणातला फोटो समोर आला आहे.

काही दिवसांपूर्वी लेखिका तस्लिमा नसरीन यांनी नुसरतच्या प्रेग्नन्सीवर आपलं मत मांडलं होतं.त्यांची सोशल मीडिया पोस्ट चर्चेत होती. सध्या नुसरतचा गरोदरणातला बेबी बम्पसोबतचा एक फोटो व्हायरल होताना दिसतोय.

पतीला माहिती नाही
तस्लिमा नसरीन यांनी त्याच्या फेसबुकवर नुसरत संदर्भात एक पोस्ट लिहिली होती. या पोस्टमध्ये त्यांनी नुसरतला पती निखिल जैनपासून घटस्फोट घेण्याचा सल्ला दिला होता. तस्लिमा यांनी आपल्या पोस्टमध्ये लिहिलं होतं, ‘नुसरतच्या प्रेग्नन्सीचं वृत्त चर्चेत आहे. पण याबाबत तिचा पती निखिलला मात्र काहीच माहीत नाही. मागच्या सहा महिन्यांपासून दोघंही वेगळे राहत आहेत आणि नुसरत अभिनेता यश दासगुप्ताच्या प्रेमात आहे.’