‘पत्नी म्हणून कोणतीही तक्रार न करता…’ लग्नाच्या वाढदिवसानिमित्त नाना पटोलेंची भावूक पोस्ट

मुंबई : काँग्रेसचे नेते आणि प्रदेशाध्यक्ष नाना पटोले यांच्या लग्नाचा आज वाढदिवस आहे. याविषयी माहिती देताना नाना पटोले यांनी एक भावूक पोस्ट शेअर केली आहे. आजपर्यंत मिळालेल्या सगळ्या यशाचं श्रेय आपल्या पत्नीला देत त्यांनी त्यांचे आभारही मानले आहेत. त्यांच्या या पोस्टची सध्या जोरदार चर्चा सुरू आहे.

‘त्यांच्या भक्कम साथीमुळेच मतदारसंघातील व राज्यातील लाखो लोकांच्या समस्या प्रश्न जाणून त्या सोडवण्यासाठी बळ मिळते’ अशा शब्दात नाना पटोले यांनी पत्नीला वाढदिवसाच्या शुभेच्छा दिल्या आहे. ही पोस्ट शेअर करताना त्यांनी पत्नीसोबतचा एक सुंदर फोटोदेखील शेअर केला आहे.

‘आज आमच्या लग्नाचा वाढदिवस, सामाजिक आणि राजकीय क्षेत्रात काम करत असताना पत्नीची खुप मोलाची साथ मिळत राहिली आणि यापुढेही मिळत राहील याबद्दल त्यांचे खुप खुप आभार. त्यांच्या भक्कम साथी मुळेच मतदारसंघातील व राज्यातील लाखो लोकांच्या समस्या प्रश्न जाणून त्या सोडवण्यासाठी बळ मिळते.’ असं नाना पटोले यांनी पोस्टमध्ये लिहलं आहे.

‘शिवसेना काम करणारी संघटना, निवडणुकांना घाबरत नाही’

यानिमित्त नाना पटोले यांनी आणखी एक पोस्ट केली आहे. त्यामध्ये त्यांनी लिहलं की, ‘समाजकारण आणि राजकारण करत असताना जनता हेच माझे प्रथम कुटुंब हे मी मानत आलो आहे यामुळेच कदाचीत कुटुंबासाठी जास्त वेळ देता येत नाही याबद्दल पत्नी म्हणून कोणतीही तक्रार न करता माझ्या पाठीशी खंभीरपणे उभ्या राहणाऱ्या धर्मपत्नी आपणास वैवाहिक जीवनातील या सुंदर दिवसाच्या खुप खुप शुभेच्छा.’