पापराझीला पाहून पोज द्यायला शिकला तैमूर; त्याची मस्ती पाहून फोटोग्राफर्संना हसू आवरेना

मुंबई: बॉलिवूड अभिनेत्री करिना कपूर खान आणि अभिनेता सैफ अली खान यांचा मुलगा तैमूर सोशल मीडियावर नेहमीच चर्चेत असतो. तैमूर दिसला की पापराझींचे कॅमेरा आपोआप त्याच्याकडे वळतात. तैमूरलादेखील आता या ‘क्लिकक्लिकाटा’ची इतकी सवय झालीय की तो आता पापराझींचे कॅमेरे पाहून पोज द्यायला शिकला आहे.

तैमूरचा असाच एक व्हिडिओ सध्या सोशल मीडियावर प्रचंड व्हायरल झाला आहे. या व्हिडिओत तैमूरचा खोडकरपणा दिसून येतोय. फोटोग्राफर्संना पाहून तैमूर मस्ती करताना दिसतोय. इतकंच नाही तर मजेशीर पद्धतीनं पोज देतानाही दिसतोय. तैमूरची ही सर्व गंमत पाहून तिथं उपस्थित असलेल्या फोटोग्राफर्संनाही हसू आवरता आलं नाही.

घरी करतो नक्कल
सैफने एका मुलाखतीत बोलताना तैमूरबद्दल खास गोष्ट शेअर केली होती . ‘तैमूरच्या आसपास लहानपणापासून सतत पॅपराझी फोटो काढण्यासाठी असतात. तैमूरला त्याची गम्मत वाटते. तो लहान असल्याने आसपासच्या लोकांची नक्कल करण्याचा प्रयत्न करतो. आता तर तो मीडिया फोटोग्राफर्सची नक्कल करून दाखवतो. तो पापराझींना त्याच्या तोडक्या-मोडक्या शब्दात ‘मीडियावाले’ असं म्हणतो आणि माझा फोन हातात घेऊन त्यांच्यासारखे वागायचा प्रयत्न करतो. त्याचे फोटो काढण्यासाठी कॅमेरा जसा धरला जातो तसा तो माझा फोन हातात धरतो…फोनचा कॅमेरा आमच्यासमोर धरतो आणि ‘खिचिक, खिचिक’ असं तोंडाने म्हणत आमचे फोटो काढण्याचा प्रयत्न करतो.’

‘मदर्स डे’ ला करिना कपूरने शेअर केला छोट्या मुलाचा फोटो, तैमूरच्या मांडीवर करतोय आराम
सैफ अली खान आणि करीना कपूर यांच्या आसपास जितके फोटोग्राफर दिसत नाहीत, तितके तैमूरच्या आसपास असतात. त्याची एक झलक दिसावी यासाठी सगळेच फोटोग्राफर मेहनत घेत असतात. त्यामुळे तैमूरचे फोटो, व्हिडिओ तुफान व्हायरल होतात.
या शेतकरी बाप-लेकांचे फोटो सोशल मीडियावर झाले व्हायरल! कारण होतं वेगळंच