मुंबई : देशात करोनाची दुसरी लाट अधिक वेगाने पसरत असून दिवसागणिक पेशंटची संख्याही वाढत चालली आहे. उपचार न मिळाल्याने अनेकांचे दुर्दैवी मृत्यू होत आहे. दाक्षिणात्य चित्रपटसृष्टीतील लोकप्रिय अभिनेत्री पिया वाजपेयी हिच्या भावाचे देखील करोनामुळे निधन झाले आहे.

पियाने भावाचा मृत्यू होण्याआधी तिने ट्विटरवरून भावाला व्हेंटिलेटर बेड हवा असून त्यासाठी मदत करण्याची मागणी केली होती. परंतु बेड मिळण्याआधीच त्याचा मृत्यू झाला. भावाचे करोनामुळे निधन झाल्याची बातमी पियाने तिच्या अधिकृत ट्विटर अकाऊंटवरून दिली आहे, तिने लिहिले आहे, ‘माझा भाऊ राहिला नाही..,’

पियाने हे ट्विट केल्यानंतर विनीत कुमार सिंह, दानिश हुसैन, निर्माता ओनिर आणि गुनीत मोंगा यांच्यासमावेत अनेकांनी दुःख व्यक्त केले आहे.

या आधी पियाने ट्विट करत तिच्या भावासाठी बेड आणि व्हेटिंलटरची गरज असल्याचे सांगितले होते. ‘मला जिल्हा फारुखबाद, कामगंज ब्लॉकमध्ये तातडीची मदत हवी आहे. यूपी..एक बेड आणि व्हेंटिलेटरची गरज आहे..माझा भाऊ मृत्यूशी झुंज देत आहे…मला मदत करा, जर तुम्ही कोणाला ओळखत असाल तर कृपया या नंबरवर संपर्क साधा 9415191852 अभिषेक..आम्हाला मदत पाहिजे..,’ असे ट्विट पियाने केले होते.

https://twitter.com/PiaBajpai/status/1389390533857054722?s=20

पियाला मदत न मिळाल्यामुळे तिने शेवटी भाजप नेते तेजिंदर पालसिंग बग्गा यांची मदत घेतली. तेजिंदर यांनी पियाला फोन देखील केला पण त्यांना काहीच मदत मिळाली नाही. त्यानंतर पियाला चित्रपट निर्माता ओनीर आणि अभिनेता रोहित भटनागर यांनी देखील फोन केला पण तिच्या भावापर्यंत मदत पोहोचू शकली नाही.

दरम्यान, या आधी अभिनेत्री निक्की तांबोलीच्या भावाचे करोनाने निधन झाले.

अभिनेत्री पिया वाजपेयीच्या भावाचे करोनामुळे निधन

व्हेंटिलेटर आणि बेड वेळेवर मिळाला नाही

सिनेसृष्टीतील कलाकारांनी व्यक्त केले दुःख