मुंबई : पोर्नोग्राफी रॅकेटमध्ये राज कुंद्रासह ११ जणांना पोलिसांनी अटक केली आहे. यामध्ये तनवीर हाशमीचा समावेश आहे. क्राईम ब्रँचच्या अधिका-यांनी रविवारी तनवीरची तीन तास कसून चौकशी केली. आतापर्यंत याप्रकरणी ज्यांची ज्यांची चौकशी करण्यात आली त्यांनी दिलेल्या जबाबामध्ये ते अॅडल्ट फिल्म बनवत नव्हते असेच सांगितले आहे.परंतु तनवीर हाशमीने आपल्या जबाबामध्ये काही वेगळेच सांगितले आहे. त्यामुळे त्याचा जबाब महत्त्वाचा ठरणार आहे. तनवीर राज कुंद्रासाठी काम करायचा. अर्थात राजशी त्याचे कधीही बोलणे झाले नाही. दरम्यान, तनवीरने जबाब देण्याआधी राज कुंद्राच्या कंपनीतील चार कर्मचा-यांनी त्याच्याविरोधात साक्ष दिली आहे.

काय म्हणाला तनवीर
तनवीर हाशमीची सलग तीन तास चौकशी सुरू होती. या चौकशीत तनवीरने सांगितले की ते पॉर्नोग्राफी फिल्म नाही तर न्यूडिटी असलेल्या शॉर्ट फिल्म बनवायचे. अशा फिल्मना सॉफ्ट पॉर्न म्हटले जाते. याआधी राजच्या वकिलांपासून ते शिल्पा आणि अन्य काही आरोपींनी त्यांच्या जबाबामध्ये म्हटले होते की ते अॅडल्ट फिल्म बनवत नव्हते.

राज कुंद्राची भेट झाली नाही

तनवीर हाशमी सध्या जामिनावर आहे आणि त्याला राज कुंद्रा प्रकरणाबाबत चौकशीसाठी रविवारी बोलावले होते. चौकशीवेळी त्याला विचारले की राज कुंद्राला तो कधी भेटला होता का, त्यावर त्याने राजला कधीही भेटले नसल्याचे सांगितले.

न्यूड फिल्म बनवायचो

तनवीरने सांगितले की तो राज कुंद्राच्या अॅपसाठी कंन्टेट बनवायचा. परंतु तो कधीही त्याच्याथेट संपर्कात नव्हता. तनवीरने सांगितले की तो २० ते २५ मिनिटांच्या न्यूड शॉर्ट फिल्म बनवायचा. अशा फिल्मना थेट पॉर्न न म्हणता सॉफ्ट पॉर्न म्हटले जाते.

काही प्लॅटफॉर्मही बनवतात बोल्ड कंटेन्ट
राज कुंद्राने तयार केलेल्या कंटेन्टबद्दल तनवीरने सांगितले की, असे अनेक प्लॅटफॉर्म आहेत, त्यावर बोल्ड कंटेन्ट बनवतात आणि दाखवतात. परंतु त्याबाबत भाष्य करणे योग्य नाही. याचा निर्णय कोर्टाने घेणेच योग्य ठरेल.

साक्षीदार होण्यास नकार
तनवीर हाशमीने सांगितले की, मी कोणताही अपराध केलेला नाही. त्यामुळे साक्षीदार बनण्याचा प्रश्नच येत नाही. मुंबई क्राईम ब्रँचच्या अधिका-यांनी राज कुंद्राच्या संदर्भात जे प्रश्न विचारले त्यांची माहिती असलेली उत्तरे दिली आहेत.