[ad_1]
हायलाइट्स:
- अभिनेत्री प्रियांका चोप्राने मुंबईतील दोन घरे विकली
- दोन्ही घरांचा सौदा कोट्यवधी रुपयांमध्ये झाला
- बॉलिवूडमधील प्रियांका चोप्रा सर्वाधित श्रीमंत अभिनेत्री
अभिनेत्री प्रियांका चोप्रा ही बॉलिवूडमधील सर्वात श्रीमंत अभिनेत्रींमध्ये गणली जाते. भारतात अनेक ठिकाणी तिच्या मालकीच्या प्रॉपर्टी आहेत. अलिकडेच तिने मुंबईतील तिच्या मालकीचे दोन आलिशान अपार्टमेंट विकले आहेत. या दोन्ही अपार्टमेंटच्या विक्री प्रियांकाच्यावतीने तिची आई मधु चोप्रा यांनी केल्या आहेत. दरम्यान, यासंदर्भात प्रसिद्ध झालेल्या बातम्यांनुसार प्रियांकाने तिचे दोन्ही अपार्टमेंट ७ कोटी रुपयांना विकले असं म्हटलं जात आहे. तिचे हे अपार्टमेंट राज क्लासिक, वर्सोवामध्ये होते. यादोन्ही अपार्टमेंटची विक्री २६ मार्च २०२१ मध्ये झाली आहे.
गेल्या वर्षी प्रियांकाने लोखंडवाला कॉम्प्लेक्समधील करण अपार्टमेंटमधील तिचे घरही विकले होते. प्रियांकाचा जुहूमध्ये एक बंगला आहे. तिथेच तिचा निकसोबत साखरपुडा झाला होता. त्याचप्रमाणे मुंबईत तिच्या मालकीच्या कमर्शिअल जागा आहेत. या जागा तिने ऑफिसला भाड्याने दिल्या आहेत. मुंबईतल्या ओशिवरामध्ये प्रेसिंत येथील दुसऱ्या मजल्यावरील ऑफिस २.११ लाखांमध्ये भाड्याने दिले आहे. गेल्या जून महिन्यातच तिने हे ऑफिस भाड्याने दिले. याशिवाय गोव्यातील बागा बीच येथेही तिचे आलिशान घर आहे.
दरम्यान, निक जोनाससोबत प्रियांकाचे लग्न झाल्यानंतर ती लॉस एंजेलिसमध्येच राहत आहे. भारतामध्ये तिची आई आणि भाऊ राहतात. त्यांना भेटण्यासाठी प्रियांका अनेकदा भारतात येत असते. परंतु गेल्या वर्षीपासून करोना परिस्थितीमुळे प्रियांकाला भारतात यायला जमले नाही. मुंबई, गोव्याबरोबरच अमेरिकेतही प्रियांकाची मोठी प्रॉपर्टी आहे. अमेरिकेतसुद्धा तिने सोना हे नव रेस्तरॉं सुरू केले आहे. त्याचप्रमाणे तिने अमेरिकेमध्ये बेव्हेरली हिल्स इथे आलिशान घर विकत घेतले आहे.
[ad_2]
Source link