मुंबई : फाईव्ह जी तंत्रज्ञानप्रकरणी अभिनेत्री जुही चावला हिला दिल्ली उच्च न्यायालयाने २० लाखांचा दंड ठोठवण्यात आला होता. या दंडाच्या विरोधात जुहीने पुन्हा एकदा दिल्ली उच्च न्यायालयात याचिका दाख केली होती. परंतु जुहीची ही याचिका देखील न्यायालयाने फेटाळून लावत तिला दंड भरण्यास सांगितला आहे.

याप्रकरणाची सुनावणी न्यायमूर्ती संजीव नरुला यांच्यासमोर करण्यात आली होती. ही सुनावणी झाल्यनंतर न्यायमूर्ती नरुला यांनी ही याचिका दुस-या खंडपीठाकडे वर्ग केली आहे. आता या याचिकेवरील दुसरी सुनावणी २९ जुलै रोजी होणार आहे.

गेल्या आठवड्यात न्यायमूर्ती जे आर मिढा यांनी जुही चावलाने याचसंदर्भात केलेली याचिका फेटाळून लावण्याऐवजी रद्द केली होती. तसेच याचिकाकर्त्यांना २० लाखांचा दंड भरण्याचे आदेश दिले होते. तसेच दंड भरण्यासाठी न्यायालयाने एका आठवड्याची मुदत दिली होती. मात्र, अद्याप जुहीने हा दंड भरलेला नाही. जुहीच्या अशाप्रकारच्या कृतीमुळे न्यायालयाने नाराजी व्यक्त केली आहे. तिच्याशिवाय आणखी जे याचिकाकर्ते आहेत त्यांचे वागणे चुकीचे असल्याचे निरीक्षण न्यायालयाने नोंदवले आहे.

दरम्यान, दिल्ली उच्च न्यायलयाने ४ जून रोजी फाईव्ह जी तंत्रज्ञानाबाबतच्या काही तांत्रिक गोष्टींना आव्हान देणारी याचिका जुही चावलाची याचिका फेटाळून लावली होती. तसेच जुही आणि तिच्या अन्य सहका-यांवर २० लाखांचा दंड ठोठावला होता. हा दंड ठोठावताना या याचिकेमध्ये अनेक त्रुटी आहे, कायद्याचा गैरवापर केला आहे आणि यातून प्रसिद्धी मिळवण्यासाठी ही याचिका केल्याचे न्यायालयाने नमूद केले होते.