मुंबई: बॉलिवूड अभिनेत्री नीना गुप्ता यांचं आत्मचरित्र ‘सच कहूं तो‘ नुकतंच प्रकाशित झालं. या पुस्तकाची सध्या सोशल मीडियावर बरीच चर्चा आहे. बॉलिवूड कारकिर्दिपेक्षा आपल्या खासगी आयुष्यामुळे नेहमीच चर्तेत राहिलेल्या नीना गुप्ता यांनी आपल्या आत्मचरित्रात त्यांच्या खासगी आयुष्यातील अनेक खुलासे केले आहेत ज्याबद्दल आजपर्यंत कोणाला काहीच माहीत नव्हतं. असाच एक खुलासा त्यांनी त्यांच्या पहिल्या लग्नाबाबतही केला आहे. नीना गुप्ता यांचं फार कमी वयात पहिलं लग्न झालं होतं. जे जेमतेम वर्षभरही टिकलं नाही.

प्रेग्नन्ट नीना गुप्ता यांना सतीश कौशिकनी केलं होतं लग्नासाठी प्रपोज, वाचा संपूर्ण किस्सा
आपल्या ‘सच कहूं तो’ या आत्मचरित्रात नीना गुप्ता यांनी आपल्या पहिल्या लग्नाबाबत सांगितलं आहे. त्यांनी फार कमी वयात अमलान कुसुम घोष नावाच्या एका तरुणाशी लग्न केलं होतं. अलमान त्यावेळी आयआयटीमध्ये शिक्षण घेत होते. तर नीना संस्कृत भाषेचं मास्टर्स करत होत्या. आपल्या पुस्तकात नीना या लग्नाबद्दल लिहितात, अमलान आणि मी गुपचूप कॅम्पस, हॉस्टेल आणि माझ्या घराच्या जवळ भेटत असू. त्याचे कुटुंबीय दुसऱ्या शहरात राहत होते. पण त्याचे आजोबा मात्र माझ्या घराच्या आसपास राहायचे. त्यामुळे सणांच्या सुट्टीत तो आजोबांच्या घरी येत असे.

नीना यांच्या या सीक्रेट रिलशनशिपबद्दल सुरुवातीला कोणालाच माहीत नव्हतं पण त्यांच्या एका मैत्रिणीनं ही गोष्ट त्यांच्या पालकांना सांगितली. पण त्यामुळे नीना आणि अमलान यांच्या नात्यावर काही फरक पडला नाही. नंतर नीना यांना अमलानसोबत श्रीनगरला जाण्याची परवानगी मिळाली कारण त्यांनी एकमेकांशी लग्न केलं होतं.

व्यथा! नीना गुप्तांचं ज्याच्याशी होणार होतं लग्न त्याने अखेरच्या मिनिटाला सोडली साथ
अमलानशी घटसफोटावर नीना यांनी लिहिलं, ‘कोणत्याही गोष्टीकडे पाहण्याचा अमलानचा दृष्टीकोन खूप वेगळा होता. मला नेहमी वाटायचं की आणि सेटल होऊ आणि आपल्या कुटुंबावर लक्ष केंद्रित करू. पण कदाचित मी जास्त महत्त्वाकांक्षी झाले आणि मी स्वतःला कधीच एका हाऊसवाइफच्या रुपात पाहिलं नव्हतं. मला माझ्या आयुष्यात आणखी काहीतरी हवं होतं. त्यानंतर मी थिएटर करू लागले आणि मला माझा रस्ता स्वच्छ दिसू लागला.’

नीना यांनी पुढे लिहिलं, ‘जेवढ्या काळासाठी माझं आणि अमलानचं लग्न टिकलं. त्या काळात आम्ही फार कमी वेळा भांडलो. आमच्यात रोजचं आयुष्य, घर कसं चालवायचं, माझं शिक्षण आणि करिअर या विषयांवरून कधीच वाद झाला नाही. जेव्हा आमचं लग्न झालं त्यावेळी आम्ही खूप लहान होतो. आता मला अमलानबद्दल कोणतीही तक्रार नाही.’ नीना गुप्ता आणि अमलान लग्नानंतर वर्षभरात एकमेकांपासून वेगळे झाले. त्यानंतर नीना गुप्ता वेस्ट इंडिज क्रिकेटर विवियन रिचर्ड्स यांच्यासोबत रिलेशनशिपमध्ये होत्या. त्यांच्यापासून नीना यांना मसाबा नावाची मुलगी आहे. पण या दोघांचं लग्न कधीच झालं नाही. त्यानंतर अनेक वर्षांनी नीना यांनी विवेक मेहरा यांच्याशी लग्न केलं. या दोघांच्या लग्नाला आता १३ वर्ष पूर्ण झाली आहेत.

‘लग्नाच्या १३ वर्षांनंतर पहिल्यांदाच पती-पत्नीप्रमाणे वागलो’, नीना गुप्ता यांनी सांगितलं लॉकडाउनचा अनुभव