‘बडे अच्छे लगते है’ चा दुसरा सीझन; ‘या’ अभिनेत्रीनं केलं साक्षी तन्वरला रिप्लेस

मुंबई: दहा वर्षांपूर्वी हिंदी टीव्हीविश्वातील ‘बडे अच्छे लगते है‘ ही मालिका लोकप्रिय ठरली होती. मालिकेतील राम कपूर आणि साक्षी तन्वर या कलाकार जोडीनं प्रेक्षकांची मनं जिंकली होती. या लोकप्रिय मालिकेचा आता दुसरा सीझन येत असल्याचं कळतं.

गेल्या काही दिवसांपासून या नव्या सीझनविषयी चर्चा केली जातेय. यामध्ये कोणते कलाकार असणार याविषयी चाहत्यांमध्ये उत्सुकता आहे. साक्षी आणि राम हेच कलाकार पुन्हा एकदा मुख्य भूमिका साकारणार की वेगळे असणार याबद्दल अद्याप कोणतीही अधिकृत माहिती समोर आलेली नाही.पण अभिनेत्री दिव्यांका त्रिपाठीचं नाव या सगळ्यात सर्वाधिक चर्चेत आहे.
प्रकृती बिघडल्याने ‘साथ निभाना साथिया’ फेम अभिनेत्री रुपल पटेल यांना केलं अॅडमिट

नव्या पर्वात साक्षीऐवजी दिव्यांका मुख्य भूमिकेत दिसणार असल्याचं बोललं जातंय. दिव्यांकाला पुन्हा एकदा छोट्या पडद्यावर बघण्यासाठी तिचे चाहते उत्सुक आहेत. दिव्यांकासह नकुल मेहता मुख्य भूमिकेत दिसणार असल्याची चर्चा आहे.