मुंबई : छोट्या पडद्यावरील लोकप्रिय कार्यक्रम बिग बॉसचे १५ वे पर्व लवकरच प्रेक्षकांच्या भेटीला येणार आहे. कार्यक्रमात स्पर्धक सहभागी होण्यासाठी म्हणून आघाडीच्या कलाकारांशी निर्मात्यांशी चर्चा आता अंतीम टप्प्यात आली आहे. आता लवकरच यामधील स्पर्धकांची नावे घोषीत केली जातील. दरम्यान, कार्यक्रमाची वाढती लोकप्रियता आणि ओटीटी प्लॅटफॉर्मची मागणीमुळे आता हा कार्यक्रम सहा महिने दाखवला जाणार आहे. इतकेच नाही तर कार्यक्रमाचा पहिला भाग ओटीटीवरून प्रदर्शित केला जाईल,अशी महिती सुत्रांनी दिली आहे.

सहा महिन्यांचा कालावधी

सूत्रांनी दिलेल्या माहितीनुसार बिग बॉस १५ चा सिझन हा सहा महिन्यांसाठी असेल. ओटीटी प्लॅटफॉर्मच्या प्रेक्षकांच्या मागणीवरून निर्मात्यांनी कार्यक्रमाचा पहिला भाग ओटीटीवर दाखवला जाणार आहे. त्यासाठी प्रारंभी या कार्यक्रमात १२ स्पर्धक सहभागी होणार आहेत. जेव्हा हा कार्यक्रम टीव्हीवरून प्रसारित केला जाईल तेव्हा यातील आठ स्पर्धकांना काढण्यात येईल आणि केवळ चार स्पर्धकांना टीव्ही शोमध्ये प्रवेश दिला जाईल. त्यानंतर हा कार्यक्रम अधिक रंजक होत जाणार आहे. जेव्हा हा कार्यक्रम टीव्हीवरून दाखवला जाईल तेव्हा काही स्पर्धकांचा वाईल्ड कार्डद्वारे प्रवेश होईल. तेव्हा ग्रँड प्रीमिअर कार्यक्रमावेळी आणखी दोन स्पर्धकांचा समावेश केला जाईल. जर निर्मात्यांनी आखलेली ही गणिते यशस्वी ठरली तर हा कार्यक्रम सहा महिने चालेल. अर्थात या प्लॅनबद्दल निर्मात्यांकडून अधिकृतरित्या अद्याप कोणतीही माहिती आलेली नाही.

दरम्यान, बिग बॉसचे आधीचे म्हणजे १३ आणि १४ ही दोन्ही पर्व खूपच यशस्वी ठरली होती. त्यामुळेच आगामी पर्व जास्त काळ प्रेक्षकांना बघता यावे, यासाठी निर्मात्यांनी काही योजना आखल्या आहेत.

ओटीटीसाठी होस्ट कोण?
तर दुसरीकडे बीग बॉस हा कार्यक्रम जेव्हा ओटीटी प्लॅटफ़ॉर्मवर दाखवला जाईल, तेव्हा त्या कार्यक्रमासाठी होस्ट म्हणून सलमान खानच असेल की नाही याबाबत कोणतीही माहिती समजलेली नाही. सलमान फक्त टीव्हीसाठीच होस्ट करतो. ओटीटी प्लॅटफॉर्वर भाईजान होस्ट करत असलेला कार्यक्रम प्रेक्षकांना आवडतो की नाही आणि सलमानलाही ते आवडते की नाही हे पाहणे मनोरंजक ठरणार आहे.
बिग बॉस १५ मध्ये कोणत्या सेलिब्रिटींची होणार एन्ट्री; सोशल मीडियावर ‘या’ नावांची चर्चा