[ad_1]
काय म्हणाल्या सोनाली कुलकर्णी?
खरं तर, बॉलिवूडमध्ये आजपर्यंत मला कधीही वर्णभेदाचा अनुभव आला नाहीए. पण, पुण्यात मी या गोष्टींना सामोरी गेली आहे. बॉलिवूडनं मला स्वीकारलं, माझ्या कामाचं कौतुकही तितकंच केलं.पण पुण्यात मात्र एका ऑडिशनला गेले असताना मला वर्णभेदाचा सामना करावा लागला होता. एकदा मी गिरीश कर्नाड यांना भेटण्यासाठी गेले होते. तिथं आणखी एक मुलगी तिच्या आईसोबत आली होती. त्या मुलीच्या आईनं मला नको ते ऐकवलं होतं. तिनं मला विचारलं की, तू इथं का आलीस? यावर मी गिरीश कर्नाड यांना भेटायला आल्याचं सांगितलं. कारण त्यांचा हेतू मला माहिती नव्हता. त्या बाई इथवरंच थांबल्या नव्हत्या. ‘तू कधी आरशात तुझा चेहरा तरी पाहिला आहेस का? काळ्या मुली कॅमेऱ्यात चांगल्या दिसत नाहीत’, असं त्या बाई मला पाहून म्हणाल्या होत्या.
त्या बाईंच्या अशा बोलण्यानं मला काही वेळ अस्वस्थ वाटलं, परंतु १५ ते २० मिनिटांत मी गिरीश कर्नाड यांना भेटले. त्यांनी माझ्यासोबत गप्पा मारल्या, माझं कौतुक केलं, त्यामुळं त्या बाईंचे शब्द माझ्यासाठी महत्त्वाचे ठरले नव्हते.
कन्नड सिनेमाद्वारे आपल्या करिअरला सुरुवात
गिरीश कर्नाड दिग्दर्शित ‘चेलुवी’ या कन्नड सिनेमाद्वारे आपल्या करिअरला सुरुवात करणारी सोनाली मूळची पुण्याची आहे. सोनालीनं केवळ मराठी आणि हिंदी सिनेमेच केले नाहीत तर गुजराती, कन्नड, तामिळ, इटालियन आणि इंग्रजी सिनेमांत काम केलं आहे. मराठीमध्ये कैरी, घराबाहेर, देवराई, दोघी, मुक्ता, सखी, अगं बाई अरेच्चा -२ हे तिचे सिनेमे प्रचंड गाजले. तर दिल चाहता है, डरना जरुरी है, दिल विल प्यार व्यार, प्यार तुने क्या किया, सिंघम या हिंदी सिनेमांमध्येही सोनालीच्या अभिनयानं प्रेक्षकांना भूरळ घातली.
[ad_2]
Source link