मुंबई : उत्तर प्रदेशातील मिर्झापूर येथे असलेल्या विंध्यवासिनी देवीच्या मंदिरात जाऊन दर्शन घेण्यावरून पोलिस आणि आमितभा बच्चन यांचे पुजारी यांच्यात वाद झाला. या वादानंतर पोलिसांनी पुजा-याला मारहाण केली. या घटनेमुळे येथील पुजारी नाराज झाला आहे. मारहाण केल्याच्या घटनेचा व्हिडीओ सोशल मीडियावर खूपच व्हायरल झाला आहे. याप्रकरणाचा तपास केला जाईल, असे पोलिस अधिका-यांनी सांगितले आहे.

देशात करोनाची लाट आल्यानंतर रविवारी लॉकडाऊन असल्याने विंध्यवासिनी देवीचे मंदिर दर्शासाठी बंद असते. परंतु चंदौलीचे जिल्हा न्यायमूर्ती आणि त्यांचे कुटुंबाला देवीचे दर्शन घ्यायचे होते. त्यामुळे पोलिसांनी मंदिर उघडले. मंदिर उघडल्यानंतर अमिताभ बच्चन यांचे पुजा-यांनी देखील त्यांच्याकडे आलेल्या यजमान भाविकांना घेऊन दर्शासाठी देवळात आले. त्यावेळी पोलिसांनी पुजारी आणि त्यांच्यासोबत आलेल्यांना अडवले. त्यावेळी त्यांचा वाद झाला आणि पोलिसांनी पुजा-याला मारहाण केली.

या घटनेनंतर मारहाण झालेले पुजारी अमित पाण्डेय यांच्या भावाने सांगितले की, पोलिस अनेकदा अशा प्रकारे वागतात. त्यांच्याविरोधात तक्रार करायला गेलेल्या पुजा-यांनाच खोट्या गुन्ह्यांमध्ये अडकवतात. मारहाण झालेले अमित पाण्डेय हे अमिताभ बच्चन यांच्यासह काँग्रेस अध्यक्ष सोनिया गांधी यांच्या परिवाराचेही पुजारी आहेत.

जिल्ह्याचे अप्पर पोलिस अधिक संजय वर्मा यांनी सांगितले की, चंदौलीचे जिल्हा न्यायाधीश आणि त्यांच्या कुटुंबातील इतर सदस्यांनाही देवीचे दर्शन घेऊ दिले नाही. एका पुजा-याने देवीचे दर्शन घडवून आणले. परंतु तेव्हा अमित पाण्डेय त्यांच्या यजमान भाविकांना घेऊन देवीच्या दर्शनासाठी नेते होते, तेव्हा पोलिसांनी त्यांना अडवले. त्यावरून पोलिस आणि पाण्डेय यांच्यात वाद झाला. याप्रकरणी तपास लवकरच सुरू केला जाईल.

दरम्यान, उत्तर प्रदेश सरकारने करोना प्रतिबंधात्मक उपाययोजने अंतर्गंत शनिवारी आणि रविवारी विंध्यवासिनी देवीचे मंदिर भाविकांना दर्शनासाठी बंद ठेवण्याचा निर्णय घेतलेला आहे. इतर दिवशीही सर्वसामान्य लोकांसाठीही देखील दर्शन घेण्यास मनाई आहे. मंदिरातील पुजा-यांनाच केवळ आत प्रवेश करण्यास परवानगी आहे.