मुंबई: अश्लील व्हिडिओ आणि वेब सीरीजची निर्मिती प्रकरणात सामील असलेली अभिनेत्री गहना वशिष्ठ हिनं अनेक धक्कादायक खुलासे केले आहेत. त्यापैकी एक म्हणजे ‘हॉटशॉट्स’ला पर्याय म्हणून राज कुंद्रा एक नवीन अॅप लॉन्च करणार होता. या अॅपवरील चित्रपटासाठी त्यानं त्याची मेव्हणी शमिता शेट्टी आणि मराठी अभिनेत्री सई ताम्हणकरच्या नावाचा विचार केला होता.असा दावा तिनं एका मुलाखतीत केला होता.

गहानाच्या दाव्यात काडीमात्र तथ्य नसल्याचं सई ताम्हणकरच्या टीमकडून सांगण्यात आलं आहे. राज कुंद्रा प्रकरण आणि त्याच्या कोणत्याही अॅपचा सईचा काहीही संबंध नसल्याचं सईनं स्पष्ट केलं आहे.

सईच्या कामाबद्दल बोलायचं झालं तर ती ‘समांतर २’ या वेब सीरिजमधून प्रेक्षकांच्या भेटीला येत आहे. तसंच बॉलिवूडच्या आगामी ‘मिमी’ या चित्रपटात दिसणार आहे. या चित्रपटात क्रिती सेननसोबतच सईची देखील मुख्य भूमिका आहे.