नवी दिल्ली :विजय मल्ल्याने केलेल्या ९ हजार कोटी रुपयांच्या कर्जघोटाळ्याची व्याप्ती वाढण्याची शक्यता आहे. काही बनावट कंपन्यांतील निधी मल्ल्याच्या खात्यात वळवण्यात आल्याचा संशय ईडीने (सक्तवसुली संचालनालय) व्यक्त केला आहे.
नव्याने अंमलात आलेल्या परागंदा आर्थिक गुन्हेगार कायद्यांतर्गत ईडीने नुकतेच बेंगळुरू येथील व्ही. शशिकांत व त्यांच्या कुटुंबीयांवर छापे टाकले. मल्ल्याच्या उद्योग समूहात फेब्रुवारी २०१७पर्यंत उच्चपदावर कार्यरत असणाऱ्या शशिकांतच्या ताब्यातील महत्त्वाची कागदपत्रे ईडीने जप्त केली असून त्यातून हे संशयास्पद व्यवहार उघड झाले.