मुंबई: पाकिस्तानी अभिनेत्री सोमी अली एकेकाळी सलमान खानला डेट करत होती. पण अभिनेत्री संगीत बिजलानीची सलमानच्या आयुष्यात एंट्री झाली आणि सलमान- सोमीच्या नात्यात दुरावा आला. सलमानशी ब्रेकअप झाल्यानंतर सोमीनं भारत सोडला. सोमी सध्या तिच्या एनजीओसाठी काम करते. कौटुंबीक हिंसाचार आणि अल्पवयीन मुलाच्या शोषणाच्या विरोधात ती पीडितांना मदत करते. नुकत्याच एका मुलाखतीत सोमीनं सलमानसोबत कोणत्याही प्रकारचा संपर्क नसल्याचा तसेच त्याच्यापासून लांब राहणं हे आपल्या आरोग्यसाठी योग्य असल्याचं म्हटलं आहे. याशिवाय तिनं सलमानच्या गर्लफ्रेंड्सवरही भाष्य केलं आहे.

Indian Idol 12- पवनदीपने केली चूक, मदतीला धावली सायली कांबळे

सोमी अली १९९७ साली रिलीज झालेल्या ‘चुप्प’ या चित्रपटात अखेरची दिसली होती. नुकतंच इ-टाइम्सला दिलेल्या मुलाखतीत सोमीनं तिच्या वैयक्तीक आयुष्यावर भाष्य केलं. तसेच अनेक खुलासेही केले आहेत. अजूनही सलमानच्या संपर्कात आहेस का? असा प्रश्न विचारला असता सोमी म्हणाली, ‘मी बरीच वर्षं सलमानशी अजिबात बोललेले नाही. मला वाटतं यातून बाहेर पडणंच योग्य आहे. मी माझ्या आयुष्यात पुढे गेले आहे आणि तो देखील त्याच्या आयुष्यात पुढे गेलाय. मला नाही माहीत डिसेंबर १९९९ मध्ये मी त्याला सोडल्यानंतर त्याच्या किती गर्लफ्रेंड्स झाल्यात. किती अफेअर्सची झाली. मला माहीत आहे त्याचा एनजीओ खूप चांगलं काम करत आहे आणि मला बीइंग ह्यूमन फाउंडेशनचा अभिमान वाटतो.’

सलमानसोबतच्या आपल्या नात्याबाबत बोलताना सोमी पुढे म्हणाली, ‘मला वाटतं त्याच्यापासून दूर राहिलेलं माझ्या मानसिक आरोग्यासाठीही चांगलंच आहे. तो आज आयुष्यात यशस्वी झाला आहे. हे पाहिल्यावर बरं वाटतं.’ सोमीनं सांगितलं की, ती बॉलिवूडमध्ये जीनत अमान यांच्यासोबत संपर्कात आहे. काही दिवसांपूर्वीच दिलीप कुमार यांच्या निधनानंतर सोमीनं त्यावर दुःख व्यक्त केलं होतं. जेव्हा सोमी सलमानसोबत रिलेशनशिपमध्ये होती तेव्हा ती त्याच्या बहिणींसोबत दिलीप कुमार यांच्या घरी गेली होती. पण ती एक खूप लहान भेट होती. असं सोमीनं सांगितलं.

सोमी अली सलमान खानसोबत ‘बुलंद’ या चित्रपटातून बॉलिवूड पदार्पण करणार होती. पण हा चित्रपट कधी प्रदर्शितच झाला नाही. याबद्दल बोलताना सोमी म्हणाली, ‘आम्ही या चित्रपटाच्या शूटिंगसाठी काठमांडूला गेलो होतो. पण दुर्दैवानं त्यावेळी मी इंडस्ट्रीमध्ये नवीन होते आणि निर्मात्यांसोबत माझे वाद झाले. त्यानंतर तो चित्रपट बंद झाला.’