मुंबईत लशींची दुसरी मात्रा घेणाऱ्यांची संख्या १० लाखांहून अधिक आहे. त्यामुळे, १८ वर्षे आणि त्यावरील वयोगटातील दुसरी मात्रा घेणाऱ्यांची संख्या १० टक्के एवढी आहे. मात्र, अजूनही सुमारे ४७ लाख मुंबईकरांचे लसीकरण शिल्लक आहे. २१ जूनपासून लसीकरण मोहीम अधिक तीव्र होत असून दररोज दोन्ही मात्रा मिळून सुमारे १ लाख व्यक्तींना लस दिली जात आहे. मुंबईची १८ आणि त्यावरील वयोगटातील लोकसंख्या सुमारे ९७ लाख आहे. लसीकरण मोहिमेचा वेग कायम राहिल्यास या सर्वांचे लसीकरण दोन महिन्यांत पूर्ण होईल, अशी अपेक्षा व्यक्त केली जात आहे.
WhatsApp 