: मुंबईत गुरूवारी एकाच दिवशी दोन हत्या झाल्या. ताडदेव येथे दारूच्या नशेत तरुणाची हत्या करण्यात आली तर येथे पैशाच्या वादातून रिक्षाचालकाला मारण्यात आले. दोन्ही प्रकरणामध्ये पोलिसांनी आरोपींना अटक केली आहे.
ताडदेव तुळशीवाडी परिसरात आंबेडकरनगरमध्ये धर्मेश बारिया हा दोन मित्रांसोबत दारू पिण्यास बसला होता. किरकोळ कारणावरून त्याचे मित्रांसोबत भांडण झाले. संतापाच्या भरात मित्राने धर्मेशवर सुरीने वार केल्याने धर्मेशचा मृत्यू झाला.
वांद्रे येथे कृष्णा सबलिंगम याने जुबेर यास भाडेतत्त्वावर रिक्षा चालवण्यास दिली होती. दररोजचे पैसे देण्यावरून दोघांमध्ये वाद झाला. यामुळे संतापलेल्या कृष्णाने जुबेरच्या डोक्यात दगड घातल्याने त्याचा मृत्यू झाला. वांद्रे पोलिस ठाण्याचे निरीक्षक मनोहर धनावडे यांच्या मार्गदर्शनाखाली पोलिसांचे पथक घटनास्थळी पोहोचले. चौकशीत कृष्णाने हा खून केल्याचे निष्पन्न झाल्याने पोलिसांनी त्याला अटक केली.