मुंबई: बॉलिवूडचे दिवंगत अभिनेता इरफान खान यांचा मुलगा बाबिल खान लवकरच बॉलिवूडमध्ये पदार्पण करणार आहे. इरफान यांच्या निधनानंतर बाबिल सातत्यानं त्यांच्या आठवणी सोशल मीडियावर शेअर करताना दिसतो. काही दिवसांपूर्वीच बाबिलनं इरफान खान यांचे काही फोटो एक इमोशनल कॅप्शनसोबत शेअर केले होते. ज्यातील एका फोटोमध्ये इरफान खान बाबिलसोबत सोफ्यावर बसून बोलताना दिसत आहेत आणि त्यांच्या हातात सिगारेट आहे. ज्यामुळे सोशल मीडियावर चर्चा होताना दिसतेय. एका युझरनं तर या फोटोवर कमेंट करताना इरफान यांच्या हातात जॉइन्ट अर्थात गांजा आहे का असं विचारलं. ज्यावर बाबिलनं त्या युझरला उत्तर देत त्याची बोलती बंद केली आहे.

‘कोणावर विश्वास ठेवावा हेच समजत नाही’ इरफान खान यांच्या मुलाची ‘ती’ पोस्ट चर्चेत
बाबिलनं त्याच्या इस्टाग्रामवर काही फोटो शेअर केले आहेत. ज्यात इरफान खान दिसत आहे. यातील पहिल्या फोटोमध्ये इरफान खान आणि अनुराग कश्यप बेडवर झोपून काहीतरी गप्पा मारत असल्याचं दिसत आहेत. तर दुसऱ्या फोटोमध्ये इरफान एका बछड्यासोबत दिसत आहे आणि तिसऱ्या फोटोमध्ये ते मुलगा बाबिलसोबत सोफ्यावर बसून गप्पा मारताना दिसत आहेत. हे फोटो शेअर करताना बाबिलनं लिहिलं, ‘मी एवढी मेहनत करत आहे. पण याची साक्ष म्हणून तुम्ही आज असायला हवं होतं.’

बाबिलच्या या फोटोवर कमेंट करताना एका युझरनं इरफान खान यांच्या हातात दिसत असलेल्या सिगारेटबद्दल विचारलं, ‘तो जॉइन्ट होता का?’ युझरच्या या प्रश्नानंतर इंटरनेटवर जास्त चर्चा रंगू नये याची काळजी घेत बाबिलनं त्याला लगेच रिप्लाय दिला. त्यानं लिहिलं, ‘मला नाही माहीत तुम्हाला जॉइन्ट कुठे दिसला. पण तुमची अशीच इच्छा असेल तर शुभेच्छा. इथे कोणताही जॉइन्ट नाहीये मित्रा.’

दरम्यान अभिनेता इरफान खान यांचं २९ एप्रिल २०२० रोजी निधन झालं होतं. ते दोन वर्ष न्यूरोएंडोक्राइन ट्यूमर या आजाराशी लढत होते. त्यांच्या निधनानंतर सर्वांनाच खूप मोठा धक्का बसला होता. वडिलांच्या निधनानंतर बाबिल सातत्यानं त्यांच्या आठवणी सोशल मीडियावर शेअर करताना दिसतो. बाबिल लवकरच ‘काला’ या चित्रपटातून अभिनय क्षेत्रात पदार्पण करत आहे. हा चित्रपट नेटफ्लिक्सवर रिलीज होणार असून यात बाबिलसोबत अभिनेत्री तृप्ती डिमरीची महत्त्वपूर्ण भूमिका आहे.

इरफान खान यांना लागली होती मृत्यूची चाहूल; बाबिलने सांगितले काय होते त्यांचे अखेरचे शब्द