कायदेशी कागदपत्रे आणि न्यायालयान सूत्रांकडून तसेच टीएन टेलिव्हिजन स्टेशनच्या हवाल्याने ला नेसियनने हे वृत्त दिले आहे. अर्जेंटिनाचे महान फुटबॉलपटू मॅरेडोनाचे खासगी डॉक्टर लियोपोल्डो ल्यूक, मानसउपचार तज्ञ अगास्टिना कोसाचोव्ह आणि अन्य काही नर्स यांच्यावर हत्येचा आरोप करण्यात आलाय.
वाचा- कसोटी मालिकेचे वेळापत्रक बदला, BCCIने खरच विनंती केली होती? ECBने दिले उत्तर
या सर्वांना जर न्यायालयाने दोषी ठरवले तर ८ ते २५ वर्षाची शिक्षा होऊ शकते. डीपीएच्या रिपोर्टनुसार सात जणांना देश सोडण्यास मनाइ करण्यात आली आहे. त्यांना या महिन्याच्या अखेरीस स्वत:चे मत मांडण्यास सांगितले जाणार आहे. मॅरेडोना यांचे गेल्या वर्षी नोव्हेंबर महिन्यात वयाच्या ६०व्या वर्षी निधन झाले होते.
वाचा- इंग्लंड क्रिकेट संघाला मोठा झटका; भारताविरुद्ध हा दिग्गज खेळाडू खेळणार नाही
निधनाच्या आधी मॅरेडोनावर ब्रेन सर्जरी करण्यात आली होती. एका आयोगाने काही दिवसांपूर्वी त्याच्या डॉक्टर आणि नर्स यांच्यावर गंभीर आरोप केले होते. त्यानंतर या प्रकरणाची चौकशी सुरु झाली.
वाचा- Video: सचिन तेंडुलकरने भारताची लाज राखली, नाही तर पाकिस्तानच्या…
टीएन टीव्हीने दिलेल्या वृत्तानुसार मॅरेडोना यांच्या वैद्यकीय टीमला त्यांच्या खराब प्रकृतीबद्दल माहिती होती. तरी देखील अपेक्षित वैद्यकीय ट्रिंटमेंट दिली गेली नाही. यामुळे मॅरेडोना यांचे निधन झाले.