वनमंत्री श्री. मुनगंटीवार यांनी मेंढपाळांच्या समस्या जाणून घेत त्या सकारात्मक दृष्टीने सोडविण्याची तयारी दर्शविली. मेंढ्यासाठी चराई कुरण राखीव करण्याबाबत इतर राज्यांच्या धोरणांचा अभ्यास करण्याच्या सूचना सचिवांना दिल्या. समाजाचे प्रतिनिधित्व करणाऱ्या लोकप्रतिनिधींच्या सूचना तसेच मेंढपाळांच्या मागण्यांचा सविस्तर आढावा घेवून त्यावरील उपाययोजना कराव्यात. मेंढीपालन व चराई कुरण राखीव करण्यासंदर्भात अस्तित्वातील कायद्यामधील तरतूदी, नियमांचा कायदेशीर अभ्यास करण्यासाठी विधी व न्याय विभागाचे अभिप्राय घेण्यात यावेत, अशा सूचना श्री. मुनगंटीवार यांनी अधिकाऱ्यांना दिल्या.