करोना संसर्ग असलेल्या वैद्यकीय निकषांमध्ये असलेले रुग्ण, तसेच रुग्णालयांना या तरुणांकडून मोफत ऑक्सिजनची उपलब्धता करण्यासाठी मदत केली जाते. एखाद्या कोविड रुग्णासाठी रुग्णालयामध्ये खाटेची उपलब्धता झाली नाही, तर त्यांना ही व्यवस्था होईपर्यंत ऑक्सिजनची पातळी खाली घसरू नये यासाठी या ठिकाणी ऑक्सिजन लावून शरीरातील ऑक्सिजनची पातळी स्थिर ठेवण्यासाठी मदत केली जाते. मात्र, यासाठी रुग्णाच्या निकटवर्तीयांकडे पूर्ण विचारणा केली जाते. रुग्णाच्या शरीरातील ऑक्सिजनची पातळी किती आहे त्याचा फोटो संस्थेतील संबधित व्यक्तीला पाठवावा लागतो. तसेच करोनाचा पॉझिटिव्ह चाचणी अहवाल आणि इतर वैद्यकीय तपशीलांची माहितीही द्यावी लागते. गरज असलेल्या रुग्णांना ही सेवा दिली जाते, असे या ‘हेमकुंड’ संस्थेच्या तनज्योत सिंग यांनी सांगितले.
मुंबई आणि दिल्ली या दोन्ही ठिाकणी ही सुविधा दिली जात आहे. अनेक जण ऑक्सिजनचा सिलिंडर घेऊन जातात, पण तो परत आणून देत नाहीत, असाही अनुभव येतो. ए. अॅन्थॉनी जिमी मॅथ्यू, सिमरंजित आणि तनज्योत सिंग यांनी अधिकाधिक मुंबईकरांनी या मोहिमेला जोडून घेतले, तर ऑक्सिजन तुटवड्याची समस्या कमी करण्यासाठी मदत होईल, अशी अपेक्षा व्यक्त केली.
स्वयंसेवकांची गरज
या कामासाठी अधिक स्वयंसेवकांची गरज आहे. ज्यांना सर्वसामान्यांना मदत करायची आहे ते या कामास स्वतःला जोडून घेऊ शकतात, असे आवाहन करण्यात आले आहे. ही सेवा देताना पूर्ण खबरदारी घेतली जाते. संसर्ग टाळण्यासाठी काय करावे, याचे प्रशिक्षणही येथे दिले जाते. ज्यांना या कामाशी जोडून घ्यायचे आहे त्यांनी तनज्योत सिंग – ७०२१३५२३७४, अॅन्थॉनी – ९८३३७२०८५९ यांच्याशी संपर्क साधावा, असे आवाहन करण्यात आले आहे.
WhatsApp 