मुंबई : माणूस किती मोठा झाला हे पाहायचं असेल तरत त्याचे त्याचे पाय जमिनीवर आहेत की नाही हे पाहिलं जातं. प्रसिद्धी, पैसा यांसोबतच त्याच्याकडे सौजन्य, विनम्रता असेल तर संपूर्ण जग त्यांच्या प्रेमात पडतं. याचंच उदाहरण म्हणजे बॉलिवूडचा बादशहा . शाहरुख नेहमीच त्याच्या छोट्या गोष्टींमधून चाहत्यांचं आणि विरोधकांचं मन जिंकत असतो. आताही काहीसे असेच झाले. त्याने केलेल्या या कृतीचा व्हिडीओ सोशल मीडियावर खूपच व्हायरल झाला आहे. इतकेच नाही तर सोशल मीडियावर शाहरुखचे भरभरून कौतुक देखील होत आहे.

काय आहे व्हिडीओमध्ये

हिंदी सिनेसृष्टीतील ज्येष्ठ अभिनेते यांचे बुधवारी सकाळी ७.३० च्या सुमारास प्रदीर्घ आजाराने निधन झाले. ते ९८ वर्षांचे होते. दिलीप कुमार यांचे निधन झाल्यानंतर त्यांचे पार्थिव अंत्यदर्शनासाठी त्यांच्या निवासस्थानी नेण्यात आले होते. यावेळी करोनामुळे काही मोजक्या लोकांनाच दिलीप कुमार यांचे अंत्यदर्शन घेण्याची परवानगी होती. यावेळी अंत्यदर्शनासाठी शाहरुख खान ही गेला होता.

दिलीप कुमार यांच्या दर्शनासाठी येणाऱ्यांना सुरक्षेच्या कारणास्तव निवास स्थानापासून काही अंतरावर गाड्या उभ्या कराव्या लागत होत्या. काही अंतर त्यांना पायी चालावे लागत होते. अनेक कलाकार तशाच पद्धतीने येत होते. एका बाजूला फोटोग्राफर, वृत्त वाहिनीचे प्रतिनिधी उभे होते. शाहरुख खान जेव्हा पायी चालत दिलीप कुमार यांच्या घरी जात होता तेव्हा त्याने तिथे बंदोबस्तासाठी उभ्या असलेल्या महिला पोलीस कॉन्स्टेबलला सलाम केला. त्याची ही कृती अगदी सहजपणे घडली. परंतु शाहरुखचीही कृती तिथे उभ्या असलेल्या कॅमेऱ्यांमध्ये कैद झाली. त्यानंतर शाहरुखने महिला पोलिस कॉन्स्टेबलला केलेल्या अभिवादनाचे फोटो आणि व्हिडीओ सोशल मीडियावर खूपच व्हायरल झाले आहेत.

शाहरुखला पाहिल्यावर सायरा बानो यांना अश्रू अनावर

जेव्हा शाहरुख खान दिलीप कुमार यांचे अंत्यदर्शन घेण्यासाठी त्यांच्या घरी गेला तेव्हा दुःखाचा डोंगर कोसळलेल्या सायरा बानो यांना त्याला पाहिल्या अश्रू अनावर झाले. शाहरुखला मिठी मारून त्या रडू लागल्या. यावेळी शाहरुखने त्याचे सांत्वन करत त्यांना आधार दिला. शाहरुख खान आणि सायरा बानो यांचे काही फोटोही समोर आले आहेत. ज्यात शाहरुख सायरा बानो यांना शांत करताना दिसत आहे.

दिलीप कुमार शाहरुख खानला आपला मुलगा मानत असत. एवढंच नाही तर एकदा सायरा बानो यांनी एका मुलाखतीत आम्हाला मुलगा असता तर तो शाहरुखसारखाच असता असे म्हटले होते.