मुंबई: ‘’ या सीरीजला प्रेक्षकांचा प्रतिसाद मिळाला. या सीरीजचा दुसरा सीझनही चर्चेत आहे. या सीरीजच्या चित्रीकरणादरम्यानचा एक किस्सा व्हायरल झाला आहे. सीरीजमध्ये एका दृश्याचं चित्रीकरण करताना अभिनेता निखिल भांबरीला तीसहून अधिकवेळा थपडा खाव्या लागल्या.

सीरीजमधल्या एका दृश्यात त्याच्या श्रीमुखात भडकावते असं दृश्य आहे. त्याचं चित्रीकरण करताना हे घडलं.या अनुभवाबद्दल निखिल सांगतो, ‘उत्तराखंड इथं आमचं चित्रीकरण सुरू आहे. चित्रीकरणाचा अनुभव माझ्यासाठी खास आहे. याच चित्रीकरणादरम्यान हे घडलं आहे. मला तो दिवस आठवतो. माझ्यासाठी हा दिवस थोडा अवघड होता. एका दृश्यात मृण्मयी माझ्या कानशीलात लगावते. या दृश्याचे सारखे रिटेक होत होते.

एवढे रिटेक झाले, की शेवटी माझा गाल लाल झाला. चित्रीकरणाची वेळ मध्यरात्रीची होती. त्यात तापमान वेगानं शून्याच्याही खाली उतरत होतं आणि आमचं चित्रीकरण काही संपत नव्हतं. हे दृश्य खरं वाटावं यासाठी मी तिला सांगितलं की खरोखरीच जोरानं माझ्या कानशिलात वाजव म्हणजे माझ्या चेहऱ्यावरचे भावही खरे दिसतील. या दृश्यासाठी आम्ही तीसहून अधिकवेळा रिटेक दिल्या; पण प्रत्येक वेळी काही ना काही चुकत होतं. शेवटी ती अगदी माझी माफी मागण्याच्या बेतात होती. खरं म्हणजे, या गोष्टी चित्रीकरणाचा एक भाग असतात. त्यात असं घडतंच. हे चित्रीकरण पूर्ण झाल्यावर आम्ही सगळे एकत्र बसलो आणि खूप हसलो.’ या सीरीजसह निखिल एका रोमँटिक कहाणीचं चित्रीकरण करतोय, ते नेमकं काय आहे, याची घोषणा तो लवकरच करणार आहे.