मुंबई: बॉलिवूड अभिनेत्री यामी गौतम काही दिवसांपूर्वीच दिग्दर्शक आदित्य धरशी लग्नाच्या बेडीत अडकली. ४ जूनला सोशल मीडियावर लग्नाचे फोटो शेअर करत यामीनं सर्वांना आश्चर्याचा धक्का दिला. बॉलिवूड सेलिब्रेटी आणि चाहत्यांनी सोशल मीडियावरून कमेंट करत यामीवर शुभेच्छांचा वर्षाव केला. अत्यंत खासगी समारंभात आणि कुटुंबीयांच्या उपस्थितीत यामी आणि आदित्य लग्नबंधनात अडकले. त्यानंतर आता यामीच्या लग्नाआधीच्या काही विधींचे फोटो सध्या सोशल मीडियावर व्हायरल होताना दिसत आहेत आणि या फोटोंवर तिच्या सहकलाकरांनीही धम्माल कमेंट केल्या आहेत.

लग्नानंतर यामीनं तिच्या सोशल मीडियावर लग्नाआधीच्या विधींचे जसे की, मेहंदी, हळद समारंभ याचे काही फोटो सोशल मीडियावर अपलोड केले आहेत. जे सोशल मीडियावर खूप व्हायरलही झाले आहेत. या फोटोंवर यामीचे को-स्टार आयुष्मान खुराना आणि विक्रांत मेस्सी यांनी भन्नाट कमेंट केल्या आहेत. सोशल मीडियावर शेअर केलेल्या एका फोटोमध्ये यामीनं लग्नाआधीच्या एका विधीसाठी लाल रंगाची साडी नेसली होती. या साडीवर हातात कलीरे बांधलेली दिसत आहे. ज्यावर आयुष्मान आणि विक्रांतनं भन्नाट कमेंट केल्या आहेत.

नवरी नटली! हातात बांगड्या अन् कपाळी कुंकू; यामी गौतमचे फोटो व्हायरल

यामीचा लाल साडीतील लुक पाहून तिच्या डेब्यू चित्रपटातील तिचा सहकलाकार आयुष्मान खुरानानं लिहिलं, ‘पूर्णपणे ‘जय माता दी’सारखी फिलिंग येत आहे. तुम्ही दोघं ज्वालाजीला गेला होतात का?’ तर दुसरीकडे अभिनेता विक्रांत मेस्सीन यामीच्या फोटोवर कमेंट करताना लिहिलं, ‘राधे माँ प्रमाणेच शुद्ध आणि पवित्र’ विक्रांत आणि आयुष्मानच्या या कमेंट सध्या सोशल माडियावर तुफान व्हायरल होताना दिसत आहेत.

याशिवाय अभिनेत्री कंगना रणौतनं सुद्धा यामीला लग्नाच्या शुभेच्छा दिल्या आहेत. तिनं आपल्या इन्स्टाग्राम स्टोरीवर यामी गौतमचा फोटो शेअर करताना लिहिलं, ‘पहाडी भागात लहानाची मोठी झालेल्या मुलीला, परंपरा आणि जुन्या विधी पूर्ण करणं मोठं दिव्य नसतं.’

कंगना रणौत ही मूळची मनालीची आहे तर यामी गौतमचा जन्म हिमाचलप्रदेशनच्या बिसालपूर येथे झाला होता. दरम्यान कंगनानं यामीचं कौतुक केलं असलं हृतिक रोशनच्या वादाच यामी गौतमनं कंगना नाही तर हृतिकला पाठिंबा दिला होता.